கலைச்சாரல்

வலைதளத்தில் ஆரம்பித்த உறவு வியாபாரம் வரை.

2012-01-19T23:28:00.000-08:00

வலைதளத்தில் ஆரம்பித்த எங்கள் உறவு, இன்று குடும்ப உறவாகி, இரு சகோதரிகள் சேர்ந்து பிசினஸ் செய்யும் அளவிற்க்கு கொண்டுவந்துள்ளது. அல்ஹம்துலில்லாஹ்.

நாங்களும் ஆரம்பிச்சிட்டோம் என்னாத்த கடையத்தான். வீட்டிற்குள்ளேயே மாடியில் புர்கா மற்றும் பேன்ஷி ஐயிட்டங்கள் அனைத்தும் துபையிலிருந்து வரவழைத்து தருகிறோம் [வெட்டியாதானே இருக்கோம். சும்மாயிருந்தா வெட்டிக்கதைதானே பேசிக்கிட்டு இருப்போம் அதேன் இப்படியொரு ஏற்பாடு] இது சென்னை பிளாசாவின் ஒரு அங்கம்தான் இந்த மலிக்கா பிளாசா [ஹா ஹா] அதன்ன சென்னை பிளாசா என்கிறீர்களா? அது நம்ம சமையல் அட்டகாசம் ஜலிலாக்காவோட கடைதான். சென்னையில் இருக்கு.

நான் கொஞ்சம் டிசைன் செய்வேன் [அட நம்புங்கப்பா] அதை வைத்து நானாக டிசைன் போட்டு ஆடர்செய்து புர்கா போடுவேன். ஜலிக்காவீட்டுபோயிருந்தபோது புர்காவைபார்த்து நல்லாயிருக்கே என்றதோடு. சென்னை பிளாஷாவின் விபரம் சொன்னார்கள்[ 1 வருடம்தான்] ஆகிறதென்றார்கள்.

நான் ஊருக்கு வந்திருந்தபோது சிலர் என் புர்காக்களை கண்டுவிட்டு இதேபோல் கல் மற்றும் டிசைனில் எங்குகிடைக்கும் வாங்கி தருகிறாயா? என கேட்டதும் டக்கென ஜலிக்கா நியாபகம். உடனே மெயில் செய்து கேட்டேன். கேட்டதும் உடனே புர்கா அனுப்பிவிட்டார்கள் சென்னையிலிருந்து.

வந்தெல்லாம் மிகவும் காஸ்டிலியாக இருந்தது. உடனே மெயில் அனுப்பினேன் அக்கா இது டவுனல்ல, கிராமம்தான் இங்குள்ளதற்க்கு தகுந்தார்போல் இன்ன விலையில் இப்படி டிசைனில் இன்ன சைசில் இருக்கவேண்டும் என போட்டோக்கள் எடுத்து அனுப்பினேன்.
அதோடு பேன்ஷி ஐயிட்டங்களும் வேண்டும் என்றேன்

அடுத்த 15 நாளில் கூரியரில் வந்துவிட்டது மாசா அல்லாஹ் நினைத்தபோல் இருந்தது வியாபரமும் அல்ஹம்துல்லிஹ் என இருந்தது இதையே ஏன் தொடர்ந்து செய்யக்கூடாதுன்னு முடிவுசெய்து, 3 வது பார்சல் வந்துவிட்டது .4,வதுக்காக வெயிட்டிங்க்.

அதிகம் மற்றும் குறைவான விலைகளில் அதாவது 1000.திலிருந்து 4000 வரை புர்கா மாடல்கள் இருக்கு. துணிகள் மற்றும் ஸ்டோன்கள் தரமானதாக இருக்கும். தற்போதுள்ள அனைத்து டிசைன்களும் ஒரிஜினல் ஸ்டோன்கள் மற்றும் உயர்ரக துணிவகைகள்.

மக்களின் தேவையறிந்து, அவர்களின் பொருளாதாரம் அறிந்து, வியாபாரம் செய்தால் இன்ஷா அல்லாஹ் ஒரு நிலையான வியாபாரத்தை நிலைநிறுத்தலாம். இறைவனின் உதவியால் தொடங்கிவிட்டோம். அவனே நல்லமுறையில் நடத்தித்தரவேண்டும்.

சகோதரிகளாய் நாங்க தொடங்கியுள்ள இந்த பிசினஸ் எந்தளவு சக்சஸாகும் என்பது இறைவனிடத்தில்தான் உள்ளது. நல்லதே நாடுவான் என்ற நம்பிக்கையோடு
தங்கள் அனைவரின் ஒத்துழைப்பையும் பிராத்தனைகளையும் என்றும் எதிர்பார்கிறோம்.

சரி வந்ததுதான் வந்தீங்க கொஞ்சம் டிசைனையும் பார்த்துவிட்டு போங்களேன்.
வேண்டுமெனில். போனை எடுங்க, நம்பரை போடுங்க, மாடல் சொல்லுங்க, உடனே அனுப்பி வைக்கிறோம்..

எப்படியிருக்கு டிசைன்கள் மற்றும் மாடல்கள். இதுபோல் பலமாடல்கள் இருக்கிறது இங்கு சென்றும் பாருங்கள். மாடல் நம்பர்களை பார்த்து அந்த மடல் வேண்டுமென்று சொன்னால் கூரியரிலும் அனுப்புவோம். கூரியர் சிலவும் சேர்த்து பணம் அனுப்பவும்.[என்னாம்மா யோசிக்கிறாங்ப்பு! பாவங்க பச்சபுள்ளைங்க இப்பதான் வியாபராம் ஆரம்பிச்சிருக்கு]

புக்கா மற்றும் மஃப்தா. ஹெட்கவர். மற்றும் பேன்ஷி ஐயிட்டங்கள்.
ஸ்டோன் வளையல், ஸ்டோன் நெக்லஸ், ஸ்டோன் கம்மல்,ஸ்டோன் கிளிப், ஸ்டோன் ஹேர் கிடிக்கி,கிரஸ்டல் மணிவகைகள்.ஹேண்ட் பேக் .ஸ்டோன் புர்கா பின்.ஸ்டோன் கொண்டை வலைகள். இன்னும் இன்னும் நிறைய ஐயிட்டங்கள்.

அனைத்தும் துபையிலிருந்து வரவழைத்து தருகிறோம் . என்ன விதமாக வேண்டுமென்றாலும் அதுபோல் சைஸ் மற்றும் ஸ்டோன் என தங்களுக்கு வேண்டுமெனில் ஆடரின் பேரிலும் புர்கா தைத்து தரப்படும்.அதேபோல் வீட்டு பொருள்கள். மற்றும் பெட்ஷீட். கம்போர்ட் என்ன வேண்டுமென்றாலும் தேவையெனில் என்ன மாடல் எப்படி என சொன்னால் அதையும் வரவழைத்து தருவோம்..

ஆடர்களுக்கு தொடர்புக்கொள்ள
என் ஈமெயில் மற்றும் போன் நம்பருக்கும் தொடர்பு கொண்டு ஆடர்கள் கொடுக்கலாம்..
fmalikka@yahoo.in
9578167664.

இதிலும் டிஸ்கி போடாங்காட்டி நல்லாயிருக்காதுல்ல.

டிஸ்கியோ டிஸ்கி:
அதனோடு. சுடிதார்கள் மற்றும் ப்ளவுஸ்களும். குழந்தைகளுக்கான கெளவுன்களும்[மாடல்கள் தரனும்] தைத்து தரப்படும்..

என்றும் உங்கள்
அன்புடன் மலிக்கா

வள்ளியே சக்கர வள்ளியே!

2012-01-05T23:48:00.000-08:00

அடடா வள்ளிக்குள் இத்தனை சத்துக்களா!!!!!!!!!
வள்ளியே சக்கர வள்ளியே!
உனக்குள் இத்தனை சத்துக்களா!
சக்கரை நோயுள்ளவங்க மற்றும் வாய்வுக்கோளாறு உள்ளங்களை கிழங்குவகையே சாப்பிடக்கூடாதும்பாங்க. நாக்கு ருசி யாரைவிட்டது. ஒருதடவை திண்ணாயின்ன திண்ணுசாவோம் என்கிறாங்க. ஹா ஹா..

சக்கரவள்ளிக்கிழங்கை அவித்து அதை உரித்து அதன் சதையை எடுத்து நாங்க போட்டுள்ள தாவணியின் துணியை தண்ணீர்ல் அலசிவிட்டு அதில் வைத்து சுற்றி சிறிய முட்டைபோல் செய்து பிழிந்து பிழிந்து சாப்பிடுவோம். சிலருக்கு கனமான தாவணியாயிருந்தால் வராது எனக்குதான் சூப்பரா வருது உனக்கு வரலையே வவ்வவவ்வ என ஆத்திரமூட்டி விளையாண்ட அந்த காலமெல்லாம் ஹூம் திரும்பாது

இதோ வள்ளியப்பத்தி விளாவரியா விளக்குறாங்க கேளுங்க..

சர்க்கரை வள்ளிக்கிழங்கு, நம்முடைய காரமான சமையலுக்கு ஒத்துப் போகாதது. அதை அதிகம் உணவில் சேர்க்காமல் இருந்தால் நஷ்டம் அதுக்கில்லை. நமக்குத்தான். ஏனெனில் அதிக சத்து நிறைந்த காய்கறிகளில் இதுவும் ஒன்று. இதிலுள்ள ஒரு என்ஸைம் இதன் மாவுச்சத்தை, கிழங்கு முற்றியதும் சர்க்கரையாக மாற்றி விடுகிறது. சேமித்து வைக்கும் போதும் சமைக்கும் போதும் இனிப்பு இன்னும் அதிகமாகிறது. கிழங்கு வகையாக இருந்தாலும் இதற்கும் உருளைக்கிழங்குக்கும் சம்பந்தமில்லை. இது சுற்றிப்படரும் கொடி வகையான மார்னிங் குளோரி வகையைச் சார்ந்தது. சர்க்கரை வள்ளியின் இலைகள் மார்னிங் குளோரி வகையின் இலையைப் போன்றிருக்கும்.

வள்ளியின் சரித்திரம்:

இது ஒரு அமெரிக்கச் செடி. முதலில் மத்திய, தென் அமெரிக்காவிலும், மெக்சிகோவிலும் பயிரிடப்பட்டது. மெக்சிகோ பக்கத்தில் உள்ள தீவுகளில் சர்க்கரை வள்ளிக்கிழங்கை ஆக்ஸி என்று அழைத்தனர். கொலம்பஸ் தன் முதல் கடல் பயணத்தை முடித்து ஸ்பெயினுக்கு திரும்பி வரும் போது நிறைய பொருள்களை எடுத்து வந்தார். அதில் சர்க்கரை வள்ளியும் ஒன்று. ஸ்பானியர்களுக்கு இது மிகவும் பிடித்துப் போகவே பயிரிட ஆரம்பித்தனர். அங்கிருந்து கிழக்கே போன மாலுமிகள் இதை ஆசியாவுக்குக் கொண்டு சென்றனர். அமெரிக்கப் புரட்சியின்போது சிப்பாய்களுக்கு முக்கிய உணவாக சர்க்கரை வள்ளிக்கிழங்கு தரப்பட்டது. எட்டாம் ஹென்றி காலத்தில் இங்கிலாந்தில் இது பிரபலமாகியது. பதினாறாம் நூற்றாண்டில் போர்ச்சுகீசியர்கள் இந்தியாவில் அறிமுகப்படுத்தினர்.

சர்க்கரை வள்ளிக்கிழங்கை பயிரிட சூடான, ஈரப்பதமான சீதோஷ்ண நிலை தேவைப்படுவதால் ஐரோப்பாவில் அவ்வளவு பிரபலமாகவில்லை. இந்தியா, சீனா, கிழக்கிந்தியத் தீவுகளில் அதிகமாக விளைகிறது. இப்போது ஜப்பானிலும் பரவலாக விளைவிக்கப்படுகிறது. தெற்கு ஜப்பான் தீவுகளில் காரா கிமோ என்றும், வட ஜப்பானில் ஸாட்ஜூமா-இமோ (ஜப்பானிய உருளைக்கிழங்கு) என்றும் அழைக்கிறார்கள்.
வகைகள்: முக்கியமான இரண்டு வகைகள் உள்ளன.

1. நீளமாக இளம் மஞ்சள் தோலுடன் அல்லது சிவப்புத் தோலுடன் உள்ளே வெள்ளையாக ஒரு வகை. இதன் உள்சதை காய்ந்தாற் போல இருந்தாலும் நீர் அளவு இவற்றில் மிக அதிகம்.

2. வெளியில் சிவப்புத் தோலுடன் உள்ளே ஆரஞ்சு வண்ண சதையுடன் கூடியது. இது கொஞ்சம் மிருதுவாக ஈரப்பதத்துடன் காணப்பட்டாலும் நீர் அளவு குறைவு. உள்ளே பார்ப்பதற்கு ஆரஞ்சு நிறத்தில் இருப்பதால் அமெரிக்காவில் இதைத் தவறாக (சேனைக்கிழங்கு) என்கின்றனர். உண்மையில் சேனைக்கும் இதற்கும் தொடர்பில்லை. இந்த வகை இந்தியாவில் அரிது. அமெரிக்கர்கள் விரும்புவது இந்த ஆரஞ்சு சதை கொண்டதைத்தான். ஏனெனில் விட்டமின் 'ஏ' இதில் அதிகம்.

இதைத் தவிர ஊதாக்கலர் சதையுடனும் கிடைக்கிறது. நவம்பர் மாதம் அமெரிக்காவில் நடைபெறும் நன்றி அறிவித்தல் (தேங்க்ஸ் கிவ்விங்க்) பண்டிகையின் போது இந்த வகை சர்க்கரை வள்ளிக்கிழங்கின் சீஸனாகும். நம்மூர்களில் பொங்கல் (ஜனவரி) மாதம் சீஸன்.
தேர்ந்தெடுப்பது: கையில் எடுத்தால் கனமாகக் கெட்டியாக இருக்க வேண்டும். தோல் புள்ளி எதுவும் இல்லாமல் சுத்தமாக இருக்க வேண்டும். நுனியில் சுருங்கி இருந்தால் பழசு. அழுகத் தொடங்கிய பகுதியை வெட்டி எறிந்தால் கூட அதன் வாசனை மற்ற இடங்களுக்குப் பரவி இருக்கும். வெளித்தோல் கொஞ்சம் கறுத்திருந்தாலும் கெட்டுப் போய் இதனடியில் உள்ள சதையும் கறுப்பாக மாறியிருக்கும். வாங்கியதும் மண் படிந்திருந்தால் தோலை அலம்பக் கூடாது. ஈரம், கிழங்கை சீக்கிரம் கெடுத்துவிடும். உபயோகிக்கும் முன் சுத்தம் செய்தால் போதும்.

பாதுகாத்தல்:
சீக்கிரம் பயன்படுத்தி விடவேண்டிய காய்கறி இது. ஃப்ரிஜ்ஜில் வைத்தால் காய்ந்து போய் ருசியும் குறைந்துவிடும்.

உணவுச்சத்து:

அதிகமான உணவுச்சத்து நிறைந்தது. சமைப்பது சுலபம். ஒருவித இனிப்புடன் ருசி பிரமாதமாக இருக்கும். பச்சையாகவும் சாப்பிடலாம். வேக வைத்து, சுட்டு, வதக்கி, பொரித்து என்று பல வகைகளில் சமைத்து சாப்பிடலாம். சர்க்கரை வள்ளிக்கிழங்கின் தோலும் சாப்பிடக் கூடியது. இதில் நிறைய நார்ச்சத்து உள்ளதால் உரிக்காமல் சாப்பிடுவது நல்லது.
ஒரு மீடியம் சைஸ் சர்க்கரை வள்ளிக்கிழங்கில் இருக்கும் உணவுச்சத்து: கலோரி 130, கொழுப்புச்சத்து 0.39 கிராம், புரோட்டின் 2.15 கிராம், கார்போ ஹைட்ரேட் 31.56 கிராம், நார்ச்சத்து 3.9 கிராம், சோடியம் 16.9 மில்லிகிராம், பொட்டாசியம் 265.2 மில்லி கிராம், கால்சியம் 28.6 மில்லி கிராம், விட்டமின் சி 29.51 மில்லி கிராம், விட்டமின் ஏ-26081 IU.

சமையல் வகைகள்:

சாலட், ஜூஸ், சூப்: சர்க்கரை வள்ளிக்கிழங்கைப் பச்சையாகவே துருவி சாலட்டில் சேர்த்தால் ருசியோடு விட்டமின் 'ஏ' சத்தும் நேரடியாக கிடைக்கும். ஜூஸாக அரைத்து பச்சையாக சூப்பில் சேர்க்கலாம். ஆரஞ்சு வண்ணக் கிழங்கைத் துருவி சேர்த்தால் சாலட், சூப் சமையல் வகைக்கு வண்ணம் சேர்ப்பதோடு காரட் போல காட்சியளிக்கும். சர்க்கரை வள்ளிக்கிழங்கை சமைக்க அதிக எண்ணெய் தேவைப்படாது. வதக்கினாலும் எண்ணெய் குறைந்த அளவே இழுக்கும். சர்க்கரை வள்ளிக்கிழங்கின் வாசனையை அதிகமாக்க துண்டு போட்டு கொஞ்சம் ஆப்பிள் ஜூஸ் சேர்த்து குறைந்த தீயில் சமைத்தால் ருசியும், பளபளப்பும் வரும்.
பாயசம்: இதற்கு சர்க்கரை குறைவாக பயன்படுத்தினாலே போதும். சர்க்கரை வள்ளிக்கிழங்கை வேக வைத்து தோலுரித்துக் கொள்ளவும். பின்பு அதை நன்றாக மசிக்கவும். பாலை சுண்டக்காய்ச்சி, அதில் மசித்த கிழங்கை சேர்த்து கொதிக்க வைக்கவும். ஏலப்பொடி, குங்குமப்பூ, முந்திரி பருப்பு, உலர்ந்த திராட்சையை நெய்யில் வறுத்துப் போடவும்.

என்ன வள்ளிதேடி போறிங்களா. அட அந்த வள்ளியை அல்ல அப்புறம் வள்ளியோட அவர் அடிக்கவந்துடுவார். நீங்க சக்கரவள்ளியை தேடிப்போங்க...

எனக்கு மெயில்வழி வந்த இச்செய்தி உங்கள் பார்வைக்கும்.
.

மட்டி ஸ்பெசல்..

2011-12-08T08:58:00.000-08:00

மட்டி இது கடலில் கிடைக்கும் உணவு. இதன் ருசியே தனி. இது சிப்பிக்குள் இருக்கும் அதனை ஒரு அகன்றபாத்திரத்தில் சிறு தண்ணீர்விட்டு வேகவைக்கவும். அது வெந்ததும் சிப்பி சற்று வாய்திருந்திருக்கும் அதனை

இப்படி நகத்தால் சற்று நீக்கினால் நன்றாக திறக்கும் அதனுள் இருக்கும் மட்டியை ஒவ்வொன்றாக எடுத்து

தனி தட்டில் வைத்துக்கொள்ளவும்.
அதை சமைக்க தேவையானவை.

மட்டி தேவையான அளவு
கத்தரிக்காய் சற்று சிறியதாக அரிந்தது 2
சிறிய வெங்காயம் 1 கப்
தேங்காய்பால் 1 கப்
பொரியரிசி மாவு 3,4. ஸ்பூன்.
இஞ்சிபூண்டு விழுது 1ஸ்பூன்
மஞ்சள்தூள்.1/2 ஸ்பூன்
மிளகாய்தூள் 1 ஸ்பூன்
சீரக சோம்புதூள். 1 1/2 ஸ்பூன்
மல்லித்தூள் 1 ஸ்பூன்
பச்சைமிளாய் 2.3
கருவேப்பில்லை தாளிக்க
உப்பு
எண்ணை..

குக்கர்ஃபேனில் .மட்டி நறுக்கிய கத்தரிக்காய்.வெங்காயம்.ப,மிளகாய்.இஞ்சிபூண்டு விழுதுசேர்த்து , மசாலாக்களை கொஞ்சம் தண்ணீர்விட்டு கரைத்து அதனோடுசேர்த்து

உப்பிட்டு குக்கரை முடிவைக்கவும்.உப்பு கம்மியாக சேர்த்துதான் சமைக்கனும் இதில் உப்பு இருக்கும்.

5 விசில் வந்ததும் ஆவியை போக்கிவிட்டு மூடியை திறந்து.

பொரியரிசிமாவைபோட்டு கிளறிவிட்டு பிரண்டதுபோல் வந்ததும்

தேங்காய்பாலை ஊற்றி சற்று கொதிவந்ததும்.

சிறிய கடாயில் ஆயில்விட்டு சூடானதும் நறுக்கிய சிறியவெங்காயம். கருவேப்பில்லை போட்டு தாளித்து

ரெடியான மட்டிகலவைவோடு தாளித்தவைகளையும் சேர்க்கவும்.

சுவையான மட்ட்சி ஸ்பெசல் ரெடி.

ரசம்வைத்து வெள்ளை சோற்றோடு சாப்பிட சூப்பராக இருக்கும். ஆப்பம் தோசைகளுக்கும் தொட்டுக்கொள்ளலாம். இது ஒரு தனி சுவையில் சாப்பிட மிக ருசியாக இருக்கும்.

இதை வேகவைத்ததும் உரித்து எடுக்கும்போதே சாப்பிடலாம் உப்பு சுவையோடு திண்ண திண்ண ருசிக்கும்.. நாங்க அப்படியே திம்போமே! என்றாள் குட்டிதேவதை ஆதிரா..மட்டியை உரித்துக்கொடுக்கும் அண்ணனின் கையை உரிஞ்சிக்கொண்டே..

அழகு தேவதை..

2011-11-14T20:33:00.000-08:00

அழகு தேவதை

ஆதிராவின் அணிவகுப்பு

அள்ளிக்கொள்ளும் அழகோவியம்

பார்க்கும் விழிகளையெல்லாம்

மயக்கும் வண்ணக்காவியம்.

லேப்டப் என்ன
லேட்டஸ்ட் போனென்ன
ஐபோட் என்ன
ஐபோன் என்ன
அனைத்தும் ஆதிராவுக்கும் அத்துப்படி
அதில் விளையாடும்
ஆதிராவின் அழகிய விரல்களடி..

வெங்காயம் தெரியுமா? வெங்காயம்.

2011-10-12T20:00:00.000-07:00

வெங்காயம் தெரியுமா வெங்காயம் அதாங்க ஆனியன். வேணா மலிக்கா வேணா அழுதுருவோம் அப்படிங்கிறீங்களா! சரி சரி. அந்த வெங்காயத்தின் பலன்களை பலரும் பலவித சொல்லியிருக்காங்க இதோ இப்படியும் சொல்லியிருக்காங்களாம் என்னான்னு பார்த்து அதன் பலன்களை பெற்றுக்கொள்ளுங்கள்.
------------------------------------------------------------------------
வெங்காயத்தை ஆனியன் என்கிறார்கள். இது யூனியோ என்ற லத்தீன் வார்த்தையிலிருந்து தோன்றியது. இதற்கு பெரிய முத்து என்று அர்த்தம்.

வெங்காயத்தின் காரத்தன்மைக்குக் காரணம் அதில் அலைல் புரோப்பைல் டை சல்பைடு என்ற எண்ணெயாகும். இதுவே வெங்காயத்தின் நெடிக்கும் நமது கண்களில் பட்டு கண்ணீர் வரவும் காணமாக இருக்கிறது. சிறிய வெங்காயம், பெல்லாரி வெங்காயம் இரண்டும் ஒரே தன்மையை உடையன. ஒரே பலனைத்தான் தருகின்றன.

வெங்காயத்தில் புரதச்சத்துக்கள், தாது உப்புக்கள், வைட்டமின்கள் உள்ளன. எனவே நம் உடம்புக்கு இது ஊட்டச்சத்து தருகிறது.

பல நாடுகளில் வெங்காயத்தை மருந்துப் பொருளாகப் பயன்படுத்துகிறார்கள். நமது பாட்டி வைத்தியத்திலும், வெங்காயம் முக்கிய இடம் வகிக்கிறது. விஞ்ஞானிகள் வெங்காயத்தின் மகிமையைப் பாராட்டுகிறார்கள்.

வெங்காயத்தை எப்படி பயன்படுத்தினால், என்ன பலன்கள் கிடைக்கும்?

1. நாலைந்து வெங்காயத்தை தோலை உரித்து அதோடு சிறிது வெல்லத்தைச் சேர்த்து அரைத்து சாப்பிட பித்தம் குறையும், பித்த ஏப்பம் மறையும்.

2. சமஅளவு வெங்காயச் சாறு, வளர்பட்டை செடி இலைச் சாற்றை கலந்து காதில்விட காதுவலி, குறையும்.

3. வெங்காயச் சாறு, கடுகு எண்ணெய் இரண்டையும் சம அளவில் எடுத்து சூடாக்கி இளம் சூட்டில் காதில்விட, காது இரைச்சல் மறையும்.

4. வெங்காயத் தைத் துண்டுகளாக நறுக்கி, சிறிது இலவம் பிசினைத்தூள் செய்து சேர்த்து, சிறிது கற்கண்டு தூளையும் எடுத்து, அனைத்தையும் பாலுடன் சேர்த்து சிறிது சாப்பிட எல்லா மூலக்கோளாறுகளும் நீங்கும்.

5. வெங்காய நெடி சில தலைவலிகளைக் குறைக்கும். வெங்காயத்தை வதக்கிச் சாப்பிட உஷணத்தால் ஏற்படும் ஆசனக் கடுப்பு நீங்கும்

6. வெங்காயத்தைச் சுட்டு, சிறிது மஞ்சள், சிறிது நெய் சேர்த்து, பிசைந்து மீண்டும் லேசாக சுடவைத்து உடையாத கட்டிகள் மேல் வைத்துக்கட்ட கட்டிகள் உடனே பழுத்து உடையும்.

7. வெங்காயச் சாறு சில வயிற்றுக் கோளாறுகளை நீக்கும். இதை மோரில் விட்டுக் குடிக்க இருமல் குறையும்.

8. வெங்காயச் சாற்றையும், வெந் நீரையும் கலந்து வாய் கொப்பளித்து, வெறும் வெங்காயச் சாறை பஞ்சில் நனைத்து பல் ஈறுகளில் தடவிவர பல்வலி, ஈறுவலி குறையும்.

9. வெங்காயப், வெங்காயத்தை சமைத்து உண்ண உடல் வெப்பநிலை சமநிலை ஆகும். மூலச்சூடு தணியும்.

10. வெங்காயத்தை அவித்து தேன், கற்கண்டு சேர்த்து சாப்பிட உடல் பலமாகும்.

11. வெங்காயத்தை வதக்கி வெறும் வயிற்றில் சாப்பிட்டுவர நரம்புத் தளர்ச்சி குணமாகும்.

12. வெங்காயத்தை வதக்கி தேன் விட்டு இரவில் சாப்பிட்டு, பின் பசும் பால் சாப்பிட ஆண்மை பெருகும்.

13. படை, தேமல் மேல் வெங்காயச் சாற்றை சிவர மறைந்துவிடும்.

14. திடீரென மூர்ச்சையானால் வெங்காயத்தை கசக்கி முகரவைத்தால் மூர்ச்சை தெளியும்.

15. வெங்காயச் சாற்றையும் தேனையும் கலந்து அல்லது வெங்காயச் சாற்றையும்,
குல்கந்தையும் சேர்த்து சாப்பிட்டால் சீதபேதி நிற்கும்.

16. வெங்காய ரசத்தை நீர் கலந்து குடிக்க நன்கு தூக்கம் வரும்.

17.பனைமர பதநீரோடு வெங்காயத்தை நறுக்கிப் போட்டு சூடுபடுத்தி குடித்து வர மேகநோய் நீங்கும்.

18. வெங்காயம், அவரை இலை இரண்டையும் சம அளவு எடுத்து அரைத்து சாப்பிட மேகநோய் குறையும்.

19. வெங்காயம் குறைவான கொழுப்புச்சத்து உள்ளது. எனவே குண்டானவர்கள் தாராளமாக வெங்காயத்தைப் பயன்படுத்தலாம்.

20. பச்சை வெங்காயம் நல்ல தூக்கத்தை தரும். பச்சை வெங்காயத்தை தேனில் கலந்து சாப்பிடுவது நல்லது.

21. வெங்காயம் வயிற்றிலுள்ள சிறுகுடல் பாதையை சுத்தப்படுத்துகிறது. ஜீரணத்துக்கும் உதவுகிறது.

22. வெங்காயம் ரத்த அழுத்தத்தை குறைக்கும், இழந்த சக்தியை மீட்கும்.

23. தொடர்ந்து புகைப்பிடிப்பவர்கள் வெங்காயச் சாற்றை நாள் ஒன்றுக்கு அரை அவுன்ஸ் வீதம் மூன்றுவேளை சாப்பிட்டு வர நுரையீரல் சுத்தமாகும்.

24. வெங்காயச் சாற்றுடன், கடுகு எண்ணெய் கலந்து கீல் வாயு காரணமாக மூட்டுக்களில்ஏற்படும் வலி நேரத்தில் தடவிவர வலி குணமாகும்.

25. நறுக்கிய வெங்காயத்தை முகப்பரு உள்ள இடத்தில் தேய்த்தால் முகப்பரு நீங்கும்.

26. வெங்காயச் சாற்றோடு சிறிது உப்பு கலந்து அடிக்கடி சாப்பிட்டுவர, மாலைக்கண் நோய் சரியாகும்.

27. வெங்காயச் சாறையும், தேனையும் சம அளவு கலந்து கண்வலிக்கு ஒரு சொட்டுவிட கண்வலி, கண் தளர்ச்சி நீங்கும்.

28. ஜலதோஷ நேரத்தில் வெங் காயத்தை முகர்ந்தால் பலன் கிட்டும்.

29. வெங்காயத்தை அரைத்து தொண்டையில்பற்றுப்போட ஏற்படும் தொண்டை வலி குறையும்.

30. பாம்பு கடித்துவிட்டால் நிறைய வெங்காயத்தைத் தின்னவேண்டும். இதனால் விஷம் இறங்கும்.

31 ஆறு வெங்காயத்தை ஐநூறு மில்லி நீரிலிட்டு, கலக்கிப் பருக சிறுநீர் கடுப்பு, எரிச்சல் நீங்கும்.

32. வெங்காயம் சோடா உப்பு இரண்டையும் சேர்த்து அரைத்து நாய் கடித்த இடத்தில் தடவி, வெங்காய சாறை குடிக்க நாய் விஷம் இறங்கும். பிறகு டாக்டரிடம் செல்லலாம்.

33. வெங்காயச் சாறோடு சர்க்கரை சேர்த்துக்குடிக்க மூலநோய் குணமாகும்.

34. காலரா பரவியுள்ள இடத்தில் பச்சை வெங்காயத்தை மென்றுதின்ன காலரா தாக்காது.
35. ஒரு பிடி சோற்றுடன் சிறிது உப்பு, நான்கு வெங்காயம் இவற்றை சேர்த்து அரைத்து, ஒரு வெற்றிலையில் வைத்து நகச்சுற்றுள்ள விரலில் காலை, மாலை வைத்துக்கட்ட நோய் குறையும்.

36. சிறிய வெங்காயத்தில் இன்சுலின் உள்ளது. நீரிழிவு நோயாளிகள் இதை அதிகமாகப் பயன்படுத்தலாம்.

37. தலையில் திட்டுத்திட்டாக முடி உதிர்ந்து வழுக்கை விழுந்திருந்தால் சிறு வெங்காயத்தை இரு துண்டாக நறுக்கி தேய்த்துவர முடிவளரும்.

38. காக்காய் வலிப்பு நோய் உள்ள வர்கள் தினசரி ஓர் அவுன்ஸ் வெங்காயச் சாறு சாப்பிட்டுவர வலிப்பு குறையும்.

39. வெங்காயத்தை தினமும் சாப்பிட்டுவர டி.பி.நோய் குறையும்.

40. வெங்காயச் சாற்றோடு சர்க்கரை சேர்த்து சாப்பிட வாதநோய் குறையும்.

41. தேள்கொட்டிய இடத்தில் வெங்காயத்தை நசுக்கித் தேய்க்க விஷம் இறங்கும்.

42. வெங்காயத்தை பசும் தயிருடன் சேர்த்து சாப்பிட்டுவர தாது பலமாகும்.

43. வெங்காயம் சாப்பிட தொண்டை கரகரப்பு நீங்கி குரல் வளமாகும்.

44. தினமும் மூன்று வெங்காயம் சாப்பிட்டுவர பெண்களுக்கு ஏற்படும் உதிரச் சிக்கல் நீங்கும்

45. வெங்காயத்தை துண்டு துண்டாக நறுக்கி விளக்கெண்ணெயில் வதக்கி சாப்பிட, மலச்சிக்கல் குறையும்.

46. வெங்காயத்தை அரைத்து முன் நெற்றி, பக்கவாட்டு நெற்றியில் பற்றுப் போட தலைவலி குறையும்.

47. மாரடைப்பு நோயாளிகள், ரத்தநாள கொழுப்பு உள்ளவர்கள் சின்ன வெங்காயம் சாப்பிடுவது நல்லது.

48. சின்ன வெங்காயச் சாறு கொழுப்பை உடனே கரைக்கும்.

49. வெங்காயத்தை ஒரு மண்டலம் தொடர்ந்து சாப்பிட்டுவர உடல் குளிர்ச்சி யும், மூளை பலமும் உண்டாகும்.

50. வெங்காயத்தை வதக்கிக் கொடுத்தால் பிள்ளைகள் விரும்பி சாப்பிடுவர். ஊட்டச்சத்து கிடைக்கும்.

[நமக்கு மெயிலில் வந்தது உங்கள் பார்வைக்கும். ]

என்ன 50 தையும் படிச்சி மனதுக்குள் புதைச்சாச்சா. இனி அப்படியே சாப்பிட்டாலும் சரி இல்லை இப்படியே சாப்பிட்டாலும் சரி அதன் குண நலன்கள் நமது நலன்களை கவனித்துக்கொள்ளும்..

டிஸ்கி// வெங்காயமே பிடிக்காதுப்பா அப்படிங்கிறவங்களுக்காக! அதை பிடிக்கவைக்சீக்கிரம் ஒரு கருவிமூலம் வெங்காயபேபி கண்டுபிடிக்கபோறாங்களாம். பேபின்னா எல்லாருக்கும் பிடிக்குமுல்ல அதான் எப்புடி [யாரு கண்டுபிடிக்கபோறாங்கனெள்ளாம் கேட்கக்கூடாது அது பரம ரகசியம்.]

கொடுவா கருவாட்டுத் தொக்கு

2011-06-30T11:46:00.000-07:00

என்ன தொக்கை பார்த்ததும் நாவில் நீர் ஊறுதா? இல்லை மூக்கில் நாத்தம் ஏறுதா? அதெல்லாம் உங்களை பொருத்துதான் அதுக்கெல்லாம் கலைச்சாரல் நிர்வாகம் பொருப்பாகாது சொல்லிப்புட்டேன்.. ஆமா

தேவையானவைகள்
கொடுவாக் கருவாடு துண்டு 4
வெங்காயம் 1
தக்காளி 1
பச்சைமிளகாய் 4
இஞ்சிப்பூண்டு பேஸ்ட் 1 ஸ்பூன்
மஞ்சள் பொடி1 ஸ்பூன்
சீரகம் சோம்பு பொடி 1 ஸ்பூன்
மிளகாய்த்தூள் 1/2 ஸ்பூன்
கொத்தமல்லி
ஆயில் 2 ஸ்பூன்
உப்பு வேண்டாம் கருவாட்டில் இருக்கும்

கருவாடை நன்றாக கழுவி சுத்தம் செய்து சிறிய துண்டுகளாக்கி க்கொள்ளவும்.தக்காளி. வெங்காயம்.பச்சை மிளகாய் அரிந்துகொள்ளவும்.சட்டியில் ஆயில் விட்டு அது சூடானதும்,

ஒரு பவுலில் துண்டாக்கிய கருவாடு. மற்றும் அரிந்துவைத்துள்ள தக்காளி வெங்காயம் மற்றும் மசாலா இஞ்சிபூண்டு பேஸ்ட், ஆகியவற்றை ஒன்றாக சேர்வது போல் கலந்துகொண்டு

. அடுப்பில் கடாய்வைத்து ஆயில்விட்டு சூடானதும் இந்த கலவையை அதில்போட்டு கிளறிவிட்டு மூடி வைக்கவும். திறந்தும் இருக்கலாம்[அப்புறம் வாசம் பக்கத்து வீடுக்கு மட்டுமல்ல பத்தாவது வீட்டுக்கும் அடிக்கும் அதுக்கு நான் பொருப்பல்ல] ஒரு 3 நிமிடத்தில் வாசத்தோடு ஆயில் பிரிவதுபோல் தளதளன்னு வந்திடும். அப்படி வரும்போது அடுப்பை மிதமாக்கி நறுக்கிய கொத்தமல்லியை தூவி ஒரு 2 நிமிடம் வைத்து இறக்கிவிடவும்..

கமகம கருவாட்டுத்தொக்கு ரெடி.

சும்மா சுடுசோறும் ரசம் அல்லது மோர் வைத்துக்கொண்டு ஒரு வெட்டு வெட்டலாம்.

இது சைவக்காரங்களுக்கு அலர்ஜியாம் அதனால் இங்க வந்து எட்டிபார்த்துவிட்டு நாத்தம் அப்படினெல்லாம் மூக்கை பொத்திக்கொண்டு ஓடப்புடாது ஓகே..

அடுத்த தபா உங்களுக்கு பிடிச்ச சைவக்கறி சமச்சிப்போடுறேன் சரியா என்ன நம்ம டீல் ஓக்கேதானே!

என்று வரும் எங்கள் பாடம்.

2011-06-21T08:07:00.000-07:00

கல்வி கண் போன்றது.
ஆனால் ஒளிகொடுக்கவேண்டிய கல்வியே இன்று ஒளியற்றல்லவா கிடக்கிறது
சமரசமில்லாமல் போனதால் சமச்சீர்க் கல்வி சடுகுடு ஆடப்படுகிறதோ?அப்படியானால்
குழந்தைகளில் எதிர்கால கல்வியின் நிலைபாடுதான் என்ன?

ஏற்கனவே தாமதமாக திறக்கபட்ட பாடசாலைகளில் தற்போது எவ்வித கற்ப்பித்தலும் இல்லாமல் குழந்தைகள் போவதும் பள்ளிக்கூடங்களில் சும்மா இருந்து வருவதுமாக உள்ளார்கள். பாடங்கள் நடத்தவேண்டிய நேரத்தில் பாடபுத்தகமில்லாமல் வெறுமினே விளையாடிக் களித்துவிட்டு வந்தால் அவர்களின் மனநிலை எப்படியிருக்கும்?

இதற்கு எப்போது ஒரு முடிவுவரும் அதுவரை குழந்தைகள் பள்ளிக்கூடங்களுக்கு விளையாடி வரத்தான் அதிகாலையில் எழுந்து அடித்துப்பிடித்து அவசர அவசரமாக அனைத்து பணிகளும் செய்து அவர்களை பள்ளிக்கு அனுப்புவது. இதேநிலையில் இன்னும் எத்தனை நாட்களுக்கு செல்லவேண்டிவருமென்றே அறியாமல் பெற்றோரும் குழந்தைகளும் அல்லல்படுவது சரியா?

கல்விக்கூடங்கள் திறந்தபின் இந்நிலை நீடிப்பது சரியானதா? கல்வியின் அவசியத்தை வழியுறுத்தும் அரசே! அதனை இந்த நிலைக்கொண்டு வந்திருப்பதுதான் சங்கடத்தில் ஆழ்த்துகிறது. குழந்தைகளின் கல்வி நலனில் அக்கரைகொண்டு அதிவிரைவில் இதற்கான தீர்வுகள் கிடைக்குமா?

இப்படிக்கு
கல்விக்காக காத்திருக்கும் பெற்றோர்கள் சங்கம். பெற்றோர்கள் சங்கத்தில் நீங்களும் இருக்கீங்களா? கருத்துக்களை பகிரவும்..

உஷாரா கவனிங்க!..

2011-06-13T03:59:00.000-07:00

அட இது நீங்களான்னு உத்துப்பார்கிறீங்களா!!! ஒருகாலத்தில் இப்படிதான் நீங்களும் இருந்தீங்களாம் உங்க அம்மா அப்பா சொன்னாங்க.

“யாராண்டாசொன்னாங்க” அட என்னாண்டதாப்பு..

என்ன கவனிப்பு எதை கவனிக்கவேண்டும் என அடுக்கடுக்காய் கேள்விகளை கேட்கதோன்றுமே இதோ உங்களுக்கான விடை.

குழந்தை அழுது கொண்டே இருக்கிறதா? உஷார்

குழந்தைகள் அழுவதுதான் அதன் ஆரோக்கியத்தை மேம்படுத்தும் என்பது பலரின் கருத்து. ஆனால் குழந்தைகள் தொடர்ந்து அழுவதால் அதன் மூளை வளர்ச்சி பாதிக்கப்படும் என்று சமீபத்திய ஆய்வில் கண்டறியப்பட்டுள்ளது.

நீண்ட நேரம் குழந்தை அழும்போது பெற்றோர்களின் கவனிப்பு இல்லாமல் போகும் பட்சத்தில் குழந்தைகளின் கற்றுக்கொள்ளும் திறன் குறைந்து போவதாகவும் மருத்துவர்கள் எச்சரிக்கின்றனர்.

மனநலம் பாதிக்கும்

குழந்தைகள் அழுவது பசியை தாய்க்கு உணர்த்தவே என்பது எல்லோரும் அறிந்தது. உடலில் உள்ள நோய்களையும், தனக்கு ஏற்படும் பிரச்சினைகளையும், தாய்க்கு உணர்த்த குழந்தைகளுக்கு இருக்கும் ஒரே வழி அழுகை மட்டும் தான். குழந்தைகள் நீண்ட நேரம் அழும்போது மன அழுத்தத்தை ஏற்படுத்தும் கார்டிசோல் ஹார்மோன் அதிக அளவில் சுரக்கிறது. இதனால் குழந்தைகளுக்கு மன அழுத்தம் ஏற்பட்டு மனநலம் பாதிக்கும் வாய்ப்புள்ளதாகவும் ஆராய்ச்சியாளர்கள் கண்டறிந்துள்ளனர்.

கற்றுக்கொள்ளும் திறன்

இருபது நிமிடங்கள் வரை குழந்தைகள் அழ அனுமதிக்கலாம். ஆனால் அதற்கு மேலும் யாருடைய கவனிப்பும் இன்றி அழுது ஓய்ந்து போகும் குழந்தைகள்தான் பாதிக்கப்படுகின்றனர். பாதிக்கப்பட்ட குழந்தைகளின் நடவடிக்கைகள் மற்ற குழந்தைகளிடம் இருந்து முற்றிலும் மாறுபட்டிருக்கும். இதனால் அவர்களின் எதிர்காலம் மிகப்பெரிய அளவில் பாதிக்கப்படுவதாக மருத்துவர்கள் எச்சரிக்கின்றனர்.

அவ்வாறு பாதிக்கப்படும் குழந்தைகள் கல்வி, விளையாட்டு போன்றவற்றில் சிறந்து விளங்குவதில்லை. ஆளுமைத்திறன் குறைந்து மந்தத்தன்மையோடு காணப்படுவார்கள் என்று ஆராய்ச்சியில் கண்டறிந்துள்ளனர். அழும் நேரத்தில் குழந்தைகளை அரவணைப்பதோடு, அதற்கான காரணத்தை உடனடியாக கண்டறிய வேண்டும்.

சத்தமில்லாத மரணம்

இரவு நேரத்தில் தொட்டிலில் உறங்கும் குழந்தைகள் அழும்போது பசிக்காகத்தான் அழுவதாக நினைக்கும் தாய்மார்கள், அவசரமாக பாலை புகட்டி உறங்க வைக்கின்றனர். இதனால் மூச்சு திணறல் ஏற்பட்டு சத்தமில்லாமல் குழந்தைகள் மரணமடைகின்றன. இதனை தவிர்க்க பல்வேறு நடவடிக்கைகளை கடைபிடிக்க வேண்டும் என்று மருத்துவர்கள் தெரிவித்துள்ளனர்.

ஆண் குழந்தைகளுக்கு ஆபத்து

இதுபோன்ற தொட்டில் மரணங்கள் குளிர்காலத்தில் தான் ஏற்படுகின்றன. எடைகுறைவான, ப்ரீமெச்சூர் குழந்தைளுக்கே இந்த ஆபத்து அதிகம். ஆண்குழந்தைகள் அதிக அளவில் தொட்டில்களில் மரணமடைவது கண்டறியப்பட்டுள்ளது. அனீமியா என்ற இரத்தசோகை நோயால் தாய் பாதிக்கப்பட்டிருந்தாலோ அல்லது குழந்தை பெற்றுக்கொள்ளும் பெண் இருபதுக்கும் குறைவான வயதுடையவளாக இருந்தாலோ குழந்தைக்கு இந்த ஆபத்து நேரலாம்.

குப்புற படுக்க வைப்பதை தவிருங்கள்

குழந்தைகளை குப்புறப் படுக்க வைத்து உறங்க வைப்பதை கண்டிப்பாகத் தவிர்க்க வேண்டும். குப்புறப் படுக்க வைக்கும்போது குழந்தையின் உடல் எடை அதன் மென்மையான மார்பு எலும்புகளை அழுத்துவதால் குழந்தைக்கு திடீர் மூச்சுத்திணறல் ஏற்படும் அபாயம் இருக்கிறது.

குழந்தையை மல்லாக்கப் படுக்க வைத்தே பழக்க வேண்டும். இப்படிப் படுக்க வைப்பதால் குழந்தைகளுக்கு மேலே சொன்ன ஆபத்து ஏற்படும் வாய்ப்பு 30 முதல் 50 சதவீதம் வரைக்கும் குறைகிறது என்கின்றன ஆராய்ச்சிகள்.

தாய்ப்பால் குடிக்கும் குழந்தைகளுக்கு இந்த ஆபத்து ஏற்படும் வாய்ப்பு 50 சதவீதம் குறைகிறது என்று கூறும் மருத்துவர்கள், கட்டாயப்படுத்தி குழந்தைக்கு பால் புகட்டக் கூடாது என்கின்றனர். பசியால் அழும் நேரத்தில் பால் புகட்டினாலும் கூட, ஏப்பம் எடுத்துவிட்டபிறகே குழந்தையை படுக்கையில் கிடத்த வேண்டும் என்பது மருத்துவர்களின் அறிவுரை.

அரவணைப்பு முக்கியம்

மேலை நாடுகளோடு ஒப்பிட்டால் இந்தியாவில் இப்படிப்பட்ட குழந்தை மரணங்கள் குறைவுதான். காரணம், மேலை நாடுகளில் குழந்தைகளைப் பெற்றோர் தனியாகப் படுக்க வைப்பதுதான். தனியாக படுப்பதால் கதகதப்பையும் ஒரு பிடிமானத்தையும் தேடி, குழந்தை குப்புற கவிழ்ந்துகொள்ளும் வாய்ப்புகள் அதிகம். இதைப் போன்ற சமயங்களில் திடீரென்று தொட்டில் மரணம் நிகழ்கிறது.

நம்நாட்டில் பெரும்பாலும் தாய்மார்களின் அணைப்பிலேயே குழந்தையை (மல்லாக்க) படுக்க வைத்து மென்மையாகத் தட்டிக் கொடுத்து தூங்க வைப்பதால், அந்த ஸ்பரிசமும், அணைப்பும் கிடைத்த நிம்மதியில் குழந்தை பெரும்பாலும் அப்படியே தூங்கிவிடுகிறது. அணைப்பும் ஆதரவும் எவ்வளவு முக்கியம் என்பதை இதிலிருந்து உணரலாம்.

என்ன படிச்சி முடிச்சிட்டீங்களா .

மேல உள்ளவைகள் மெயிலில் எனக்கு வந்தது. நல்லவைகளை நாடறியச் செய்யவேண்டாமா? அதனால் இதை உங்கள் கண்பார்வைக்கு கொண்டுவந்தேன்.. சரி சரி இனி கவனமாக இருங்கள்.
ஒருகுழந்தை பெற்றெடுக்கும் பாடுஅப்பப்பா அதை சொல்லில் வடிக்கமுடியாது. பிறந்தவுடன் அதான் பிறந்துடுச்சேன்னு ஏனோ தானோன்னு இருக்காமல்[என்னமல்லி இப்படி சொல்ற நாங்களெல்லாம் அப்படியில்ல ரொம்ப கண்ணும் கருத்துமாதான் பார்த்துக்கிறோமுன்னு சொல்றது கேட்குது இருந்தாலும் சொல்லவேண்டியது நம்ம பொறுப்பில்லையா அதான்]

மிகுந்த கவனத்தோடு பச்சிளங்களை வளர்த்தெடுக்கவேண்டும். அப்புறம் வளர்ந்து. ஆளாகி. நாளாகி .எதிர்த்துபேசி. ஏன்னுகூட பார்க்கம. கேட்காம போறதுன்னா போயிட்டுபோகட்டும். இது நம்மளோட கடமை இதை நம்ம ஒழுங்க செய்திடனும் பலனையெல்லாம் எதிர்பார்க்கக்கூடாது. அதெல்லாம் இறைவன் கொடுப்பான் என்ன சரிதானே!

அன்புடன் மலிக்கா.

எப்பபாத்தாலும் பதிவு பதிவுன்னுகிண்ணு..

2011-06-01T00:40:00.000-07:00

என்ன கோடைவெயில் கொளுத்துதா!

கொஞ்சம் சில்லுன்னு ஏதாவது குடிக்கனும்போல் தோணுதா.
என்ன தேடுறீங்க! என்ன குடிக்கலாமுன்னா! இதோ இதபோல் செய்து குடிங்க.

சும்மா சூ சு

[3பேருக்கு]

வாழைப்பழம் 1
ஐஸ் கட்டி 1 கப்
ஆரஞ்ச் குல்கோஸ் 5 ஸ்பூன்

ஜீனி 3 ஸ்பூன்

பிரஷ் பால் 2 கிளாஸ்

மிக்சியில் வாழைப்பழத்தையும் ஐஸையும்போட்டு ஒரு சுற்று.பின்பு அதில் பால். குல்கோஸ் ஜீனி அனைத்தையும்போடு ஒரு சுற்று. அவ்வளவுதான்.அப்படியே சில்லுன்னு குளு குளுன்னு குடிக்கலாம்.

இருங்க அப்படியேன்னதும் மிக்ஸியோடு தூக்கி குடிக்காதீங்க .ஒரு கிளாஸில் ஊற்றி குடிங்க ஹ்கி ஹி ஹி..

அட இது என்ன யேன் தெரியாத மாங்காய்.

ஆமாப்பு அடிக்கிர வெயிலில் மனிதனே காயும்போது தம்மாதுண்டு மாங்கா காயாதா! பச்சமாங்க வாங்கி அதை சிறிய துண்டாக போட்டு அதில் உப்பும் பச்சைமிளகாயும் போட்டு வெயிலில் ஒரு 3 மணிநேரம் வச்சிஞ்டு அப்பால துண்ணா சும்மா சூப்பரா இருக்குமுல்ல..

அடடா இந்த பெரிய மனுசன் என்ன துண்ணுறார். ”ஓ அதுவா” அதாங்க! சிக்கன் [ப]பெர்கராம். என்னாது எங்களுக்கு இல்லையா! பாத்துப்பு தொண்டையில் சிக்கன் கூவிறபோகுது..

ஹா ஹா இதாரு.என்ன தெரியலையா! நல்லா உத்துபாருங்கப்பு. இருட்டுல கண்ணுதெரியாமதான் நானே எடுத்தேன்..நல்லாவுல்ல சிளீப்புறாரு. நாங்க பொறத்துபோயி சுத்திட்டு நைடு 12. 1/2 வந்தா! கார்பார்க்கிங்கில் நம்ம காரு பேக்குல சும்மா சோக்கா சிளீபிகின்னு இருந்தாரு விடுவோமா! அதான் நம்ம ”செல்”லுல சிறைபிட்ச்சிட்டோம் ..

எப்பபாத்தாலும் பதிவு பதிவுன்னு யின்னாத போடுறது. இந்த கம்பிபிட்டர் பொட்டியில் எம்மா பதிவு குவிஞ்சிக்கிடக்கு. ஆனாலும். எத்த போடுறதுன்னு ஒரே கன்பிஷாச்ச்ங்கப்பு அதே இப்புடி..

என்ன வந்தாலும் வரட்டும் நமக்கென்ன!

2011-05-21T02:30:00.000-07:00

நன்றி கூகிள்
என்ன வந்தாலும் வரட்டும் நமக்கென்ன! யார் என்ன சொன்னால் நமக்கென்ன அப்படின்னு நினைச்சீங்கன்னா. சாமி கண்ணக் குத்துதோ இல்லையோ. நான் தேடிவந்து கண்ணை குத்துவேன் அப்படினெல்லாம் சொல்லுவேன்னு நினைக்காதீங்க.. செல்போன் சொன்னாலும் சொல்லும்..

என்னதான் காட்டுக் கத்தலாக கத்தினாலும். தொண்டை வலிக்க சொன்னாலும் நமக்கு எடுபடுமா இந்த அறிவுரையெல்லாம். படிக்கும்போது மட்டுமே ஆ அப்படியா!... இனி கவனமாக இருக்கனும் என ஒரு மனம் சொல்லிக்கொண்டேயிருக்கும்போதே, உள்ளிருக்கும் இன்றொரு மனம் அட இவங்களுக்கு வேற வேலையேயில்லைப்பா. பின்ன எதுக்கு இதெல்லாம் கண்டுபிடிக்கிறாங்களாம் அதை புலக்கத்தில் விடுறாங்களாம். பாதிப்பு அவங்களுக்கில்லையே மத்தவாளுக்குதானேன்னு செய்வதெல்லாம் செய்திடுவாங்க. வருமானத்தையும் பெருக்கிகிடுவாங்க.இது இல்லாமல் ஒன்னுமே செய்யமுடியாது என மக்கள் வரும் சூழ்நிலையை உருவாக்கிவிட்டு இப்படியெல்லாம் பயமுறுத்தி நம்மை படுத்துறாங்கப்பா என சொல்லுமே..

இருந்தாலும் சொல்வது கடமை. ஏற்பதும் ஏற்காததும் அவரவரின் உரிமை. என்ன சரிதானே! நல்லவற்றை கேட்டாலும் பார்த்தாலும் உடனே மற்றவங்களுக்கு எடுத்துச்சொல்லிடனுமுன்னு நம்ம மனசு சொல்லும் அதான் நமக்கு வந்த மெயில்வழி செய்திகளை பகிர்ந்துகொள்கிறேன் உங்களோடு.. பிடிச்சிருந்தா ஏத்துக்கோங்க பிடிக்கலைன்னாலும் பரவாயில்லை படிச்சி வச்சிக்கோங்க எதுக்கும் உதவும்.....
----------------------------------------------------------------------------------

செல்போனில் அதிகநேரம் பேசினால் மறதி, தூக்கமின்மை, அஜீரணம் ஏற்படும் என விஞ்ஞானி சொல்கிறார் ஆய்வுக் குழுவில் சுகாதாரத் துறை சார்பில் விஞ்ஞானி டாக்டர் ஆர்.எஸ்.சர்மா கலந்து கொண்டார். அவர் கூறுகையில்,

‘‘பல நிபுணர்கள் தாக்கல் செய்த தகவலின் அடிப்படையில் அறிக்கை தயார் செய்யப்பட்டுள்ளது. டெலிபோன் டவர்களின் கதிரியக்க அளவு தொடர்பாக தேசியக் கொள்கை வகுக்கப்படும்.ஐரோப்பிய நாடுகளில் இருப்பவர்களை விட, இந்தியாவில் செல்போன் பயன்படுத்துவோர் அதிக பாதிப்புகளுக்கு ஆளாகின்றனர். இதற்கு நம் நாட்டில் நிலவும் வெப்பமான சூழல், உடல் எடை குறைவு, கொழுப்பு சத்து குறைவு போன்றவை காரணமாக இருக்கின்றன. இதனால் கதிரியக்க அளவு விதிமுறைப்படி தயாரிக்கப்பட்ட செல்போன்களை மட்டுமே நமது நாட்டில் பயன்படுத்த அனுமதிக்க வேண்டும்’’ என்றார்.

செல்போன் மற்றும் டவர்களில் இருந்து வெளியாகும் கதிர்வீச்சால் மறதி, தூக்கமின்மை, அஜீரணம் உட்பட பல உடல்நலக் கோளாறுகள் ஏற்படும் என்று மத்திய அரசின் ஆய்வுக் குழு எச்சரித்துள்ளது.செல்போன் மற்றும் உயர்கோபுரங்களால் மனித உடலுக்கு ஏற்படும் தீங்குகள் பற்றி ஆராய தொலைத் தொடர்பு மற்றும் தகவல் தொழில்நுட்பத் துறையின்கீழ் ஆய்வுக் குழு அமைக்கப்பட்டது. அதில் 8உறுப்பினர்கள் இடம்பெற்றனர். சுகாதார அமைச்சகம், உயிரி தொழில்நுட்பம் மற்றும் தொலைத் தொடர்பு துறை உறுப்பினர் செயலர் ஆகியோர் உட்பட சம்பந்தப்பட்ட அமைச்சக பிரதிநிதிகள் இடம்பெற்ற அந்த குழு, தனது ஆய்வு அறிக்கையை அரசிடம் அளித்துள்ளது. செல்போன் பயன்படுத்தும்போது வெளியாகும் கதிர்வீச்சு விஷயத்தில் மனித உடலில் ஊருடுவும் ரேடியோ அலைகளின் அளவுக்கு (ஸ்பெசிபிக் அப்சார்ப்ஷன் ரேடி & எஸ்ஏஆர்) கட்டுப்பாடு உள்ளது. அதைப் பின்பற்றாமல் தயாரிக்கப்படும் மலிவான செல்போன்களை தடை செய்ய வேண்டும் என்று குழு பரிந்துரை செய்துள்ளது

.குடியிருப்பு பகுதிகள் அதிகம் கொண்ட இடங்கள், பள்ளிகள், விளையாட்டு மைதானங்கள்,மருத்துவமனைகள் அருகே அதிக கதிர்வீச்சை வெளியிடக்கூடிய செல்போன் டவர்களை அமைக்கக் கூடாது. இந்தியாவில் அனுமதிக்கப்பட்ட எஸ்ஏஆர் அளவு ஒரு கிலோவக்கு 2 வாட் மட்டுமே. சராசரியாக 6 நிமிடங்கள் போனில் பேசினால் வெளியாகும் அளவு இது. இதைவிட அதிக கதிர்வீச்சு கொண்ட செல்போன்களால் ரேடியோ அலைகள் அதிகளவில் வெளியாகும். எனவே, அனுமதிக்கப்பட்ட அளவை 2 வாட்டில் இருந்து அமெரிக்க தொலைத் தொடர்பு கமிஷன் வரையறுத்துள்ள 1.6 வாட்டாக குறைக்கவும் ஆய்வுக் குழு வலியுறுத்தியுள்ளது.செல்போன் மற்றும் டவரில் இருந்து வெளியாகும் கதிர்வீச்சு காரணமாக மனிதர்களுக்கு மறதி, கவனக்குறைவு, ஜீரண உறுப்புகளில் கோளாறு உட்பட பல்வேறு பாதிப்புகள் ஏற்படும் என்றும் குழு எச்சரித்துள்ளது.மூளை புற்றுநோய் தாக்கலாம் மும்பை ஐ.ஐ.டி. மின்னணு பொறியியல் துறை பேராசிரியர் கிரிஷ் குமார் கூறுகையில்

‘‘செல்போனில் அதிகநேரம் பேசும் இளம்வயதினருக்கு, மூளை புற்றுநோய் வரும் அபாயம் 400 சதவீதம் அதிகம். குழந்தைகளின் மெல்லிய மண்டை ஓட்டுக்குள் செல்போன்களின் மின்காந்த கதிரியக்கம் ஆழமாக ஊடுருவுகிறது என்றார். என்ன பாதிப்புகள்? செல்போனை நாம் பயன்படுத்தும்போது தலைப் பகுதியில் வெப்பம் அதிகரிக்கிறது. மூளைக்கு வரும் ரத்தம் இந்த வெப்பத்தை உடலின் மற்ற பகுதிகளிலும் பரவச் செய்கிறது. இதனால் உடலின் வெப்ப நிலை அதிகரிக்கிறது. செல்போன் டவரிலிருந்து வெளிப்படும் கதிர் வீச்சால் தலைவலி, தூக்கமின்மை, மயக்கம், கவனக்குறைவு, காதில் இரைச்சல், ஞாபகசக்தி குறைவு, அஜுரணம், இதயத் துடிப்பு அதிகரிப்பு போன்றவை ஏற்படுகிறது. குழந்தைகள், வாலிப வயதினர், கர்ப்பிணிகள் செல்போனை அதிகமாக பயன்படுத்துவதை தவிர்க்க வேண்டும். செல்போனை தலைப்பகுதிக்கு அருகே கொண்டு செல்லாமல், ‘ஹெட் போன்’ தொழில்நுட்பத்தை பயன்படுத்துவது சிறந்தது.///

என்ன படிச்சாச்சா. சரி இனி என்ன செய்யலாமுன்னு யோசிச்சிகிட்டே நடையக்கட்டுங்கோ. இருந்தாலும் ஒரு முறைக்கு பலமுறை சிந்திச்சி செயல்படுங்க...

என்றும் உங்கள் நலம் விரும்பும்
அன்புடன் மலிக்கா..

வெற்றிகள் குவியட்டும்..

2011-05-09T08:07:00.000-07:00

இந்தபோட்டோவில் இருப்பது. எனது பெரிய மச்சான்.[மாமன் மகன். கணவரின் அண்ணன்.] அவர்களின் மகன். ஜெயினுல் அஸ்லம்.

இவர் குமாரப்பாளையம் ஸ்ரீ வித்திய விகாஸ் மெட்ரிக்குலேஷன் மேல்நிலைபள்ளியில் இவ்வருடம் 12 ஆம் வகுப்புத் தேர்வில்.

1200. மார்க்கிற்க்கு. 1134.மார்க எடுத்துள்ளார்.

எங்களுக்கெல்லாம் மிகுந்த சந்தோஷம்.மிக்க மகிழ்ச்சி.

ஜெயினுல் அஸ்லத்திற்க்கு.எங்களின் மன்மார்ந்த வாழ்த்துக்களும் பாராட்டுக்களும். படிப்பில் இன்னும் பலநிலையில் முன்னேற இறைவன் அருள்புரிவானாக..வெற்றிகள் குவியட்டும்...

இன்று 12,ஆம் வகுப்பு ரிசல்ட். தேர்வு எழுதிய அனைத்து மாணவர்களைவிட அவர்களின் குடும்பங்கள்தான் என்ன எழுதியுள்ளார்களோ! எப்படி எழுதியுள்ளார்களோ!என்ன மார்க்க வருமோ! என்ற எதிர்பார்ப்பில் காத்திருந்திருப்பார்கள். இதோ இன்று அவர்களின் எதிர்பாப்புகளுக்கு ஒரு முடிவு கிடைத்திருக்கும்.

நல்ல மார்க் எடுத்து தேர்வான குழந்தைகளுக்கு பதிவர்களின் சார்பாக நமது மனமார்ந்த வாழ்த்துக்களை தெரிவிக்கும் வேளையில். சற்று குறைந்த மதிப்பெண்களை வாங்கிய குழந்தைகளுக்கு இனிவரும் காலங்களில் இன்னும் பயிற்ச்சியெடுத்து நல்ல மதிப்பெண்கள் வாங்கவேண்டுமென வாழ்த்துகிறேன்.

பெற்றோர்களுக்கு!.. தங்களின் குழந்தைகளிடம் முதலில் நல்ல நட்போடும் அன்போடும் அரவணைத்து, அவர்களின் ஒவ்வொரு செயலையும் உற்றுநோக்கி சாதனை படைக்க தூண்டுகோலாகவும்.ஏற்றம்காண ஏணியாவும் இருக்கவேண்டும். எதற்கெடுத்தாலும் நச்சரித்துக்கொண்டேயிருந்தால் எரிச்சல்தான் வரும். கண்டிக்க வேண்டிய நேரத்தில் கண்டித்து. அரவணைக்க வேண்டிய நேரத்தில் அரவணைத்து. அவர்களின் வாழ்க்கைக்கு நல்லதோர் வழியை காட்டவேண்டும்..

வாழ்த்துக்களுடன்
அன்புடன் மலிக்கா

நண்டுக் கறி..

2011-04-19T02:27:00.000-07:00

நண்டு 1கிலோ
வெங்காயம் 3
தக்காளி 2
பச்சைமிளகாய் 5
கொத்தமல்லி
இஞ்சிப்பூண்டு பேஸ்ட் 2 ஸ்பூன்
கரம் மசலா 1 ஸ்பூன்
சீரகம் சோம்புதூள் 2 ஸ்பூன்
மிளகாய்த்தூள் 2 ஸ்பூன்
தேங்காய் துருவல். 3/4 கப்
பாதாம்பருப்பு 15.20
பட்டை -லவங்கம்
உப்பு
ஆயில்

நண்டை நன்றாக கழுவி சுத்தம் செய்து இரண்டு துண்டாக போட்டுக்கொள்ளவும்.

தக்காளி. வெங்காயம்.பச்சைமிளகாய் நீளவாக்கில் அரிந்துகொள்ளவும்.சட்டியில் ஆயில் விட்டு அது சூடானதும், பட்டை லவங்கம் போட்டு அதில் நறுகிய வெங்காயம்,தங்காளி பச்சைமிளகாய். வதங்கியதும்,இஞ்சிப்பூண்டு பேஸ்டையும், மிளகாய்த்தூளையும் சேர்த்து வதக்கவும்.அதுவும் வதங்கி வாசனை வந்ததும். பின்பு நண்டை அதனுடன் சேர்த்து சற்று பிரட்டி. பின்பு மசாலக்களை தண்ணீர்விட்டு கரைத்து அதனுடன் சேர்த்து கொத்தமல்லியில் பாதியை அந்த கலவையுடன் சேர்த்து உப்பிட்டு மூடவும்.

கொதித்து வாசனை வந்ததும் திறந்து,பாதாமுடன் தேங்காப்பூவையும்போட்டு மிக்ஸியில் நன்றாக அரைத்த விழுதை அதந்த நண்டுடன் சேர்த்துகிளறி சற்று வைத்திருந்துவிட்டு மீதமுள்ள கொத்தமல்லி தூவி இறக்கவும்.

நண்டுக்கறி ரெடி

இது மிகவும் ருசியாக இருக்கும் சாதம். மற்றும் சப்பாத்தி. பரோட்டக்களுக்கு மிகவும் ஏற்றது.

நாங்களெல்லாம் 10 கிலோ தந்தாலும் அப்படியே சாப்பிடுவோமுல்ல

அதுவும் ரசித்து ருசித்து.

எப்புடியிருக்கு நானும் ஸ்ரீராமும் நண்டு சாப்பிடுவது..

போதுமா நாங்க துண்ணது? ஹா ஹா

பெண்களில் விரலில் இவ்வளவு இருக்கா!

2011-04-03T22:40:00.000-07:00

Ladys finger reduces cholesterol - Food Habits and Nutrition

ஓடோடி வந்தவர்களுக்கு: பெண்களின் விரல்களில் எவ்வளவு பயன் இருக்கு என்பதை அறியத்தருகிறேன் படித்து பயன் பெறுங்கள்..

வெண்டைக்காய் சாப்பிட்டால் மூளைக்கு போஷாக்கு என்று இந்தியர்களுக்கு தீவிர நம்பிக்கை. இது பருத்திச் செடியின் குடும்பத்தை சேர்ந்தது. தாவரவியல்படி செம்பருத்தி ஹாலிஹாக் என்னும் பூச்செடி வகை. இந்த பூக்களின் அமைப்பும் வெண்டைக்காய் பூவின் அமைப்பும் ஒரே மாதிரியானவை. வெண்டைக்காய்க்கு வெப்பம் அதிகமுள்ள நிலமும் பகல் இரவு இரண்டிலும் சூடான சூழ்நிலையும் அவசியம். இதனால் இந்தியாவில் குறிப்பாக தென்னிந்தியாவில் விளைச்சல் அதிகம்.

வரலாறு:

வெண்டைக்காயின் பூர்வீகம் எத்தியோப்பியா நாடு. அங்கிருந்து அரேபியா, நைல்நதியோர நாடுகள், பிறகு இந்தியா என்று அடுத்தடுத்து அறிமுகமாகி இருக்கிறது. கி.பி 1600-களில் அடிமை வியாபாரம் தொடங்கிய காலகட்டத்தில் ஆப்ரிக்க அடிமைகள் இதை அமெரிக்கா, ஐரோப்பா போன்ற மேலைநாடுகளுக்கு எடுத்துச் சென்றனர். ஆப்ரிக்கர்கள் கம்போ என்ற ஒரு பிரபல சூப் தயாரிக்கையில் சூப் கெட்டியாவதற்காக வெண்டைக்காயை உபயோகித்து வந்தனர். வெண்டைக்காயை பொடி செய்து சூப்பில் சேர்ப்பார்கள். ஆப்ரிக்க பாஷைகளில் ஒன்றான ஸ்வாஹிலியில் கம்போ என்றால் வெண்டைக்காய் என்று அர்த்தம். ஓக்ரா என்ற இன்னொரு பெயரும் உண்டு. இளசாக இருக்கும் வெண்டை மென்மையாகவும் நீளமாகவும் நுனி கூராகவும் இருப்பதால் ஆங்கிலத்தில் இதை பெண்ணின் விரல் (Ladies finger) என்கிறார்கள்.
வெகுநாட்கள் வரை இதை எப்படி சமைப்பது என்று தெரியாமலே யாரும் பயன்படுத்தவில்லை. அந்த காலத்தில் விவசாயிகளும் இதை செடியிலேயே முற்ற விட்டதால் அதை பயன்படுத்திய ஒருசிலரும் முற்றிய வெண்டைக்காயின் ருசி பிடிக்காமல் அதை வெறுத்தனர்.

வகைகள்:

இளம் பச்சை, கரும் பச்சை, சிவப்பு நிறங்களில் இருக்கும். நீளம், குட்டை, உருண்டை வடிவங்கள் உண்டு.

விசேஷ குணம்:

வெண்டையின் மிக முக்கியமான விசேஷ குணம் கொழகொழப்புதான். இதிலுள்ள Acetylated Galeturomic அமிலங்கள் கொழகொழப்பை ஏற்படுத்துகின்றன. வெண்டைக்காயை நறுக்கும்போது இந்த அமிலங்கள் வெளியே வந்து கொழகொழக்கிறது.
வாங்குவது எப்படி?:
இளசாக இருக்கும் போதே பறித்துவிட வேண்டும். பயிரிடுவோர் தினமும் அறுவடை செய்ய வேண்டும். பறித்த பிறகுகூட முற்றிவிடும் வகையை சேர்ந்தது. சீக்கிரமே மரம் போல் முற்றி விடும். வாங்கியவுடன் சமைக்க வேண்டும். வெண்டைக்காயினுள் புழு இருக்கலாம். காம்புக்கு அருகில் ஓட்டை இல்லாததாக பார்த்து வாங்க வேண்டும். ஓட்டை இருந்தால் புழு இருக்கும்.

பாதுகாப்பு:

ஃப்ரிஜ்ஜில் வைப்பதானால் கழுவாமல், லூஸாக பிளாஸ்டிக் பையில் போட்டு காய்கறி ட்ரேயில் வைக்கவும். ஃப்ரிஜ்ஜில் வைக்கும்போது துளி கூட ஈரம் இருக்கக் கூடாது. ஈரம் இருந்தால் வெண்டைக்காய் அழுகி கொசகொசத்து பூசணம் பூத்துவிடும். சமைப்பதற்கு முன்தான் அலம்ப வேண்டும். சில வகை வெண்டைக்காயில் மெல்லிய பூனைமுடி போல இருக்கும். நன்றாக தேய்த்துக் கழுவி பேப்பர் டவலில் துடைத்துவிட்டு நறுக்கவும். நறுக்கி தண்ணீரில் போடக்கூடாது. அதிலிருக்கும் ஒருவித சளி போன்ற கொழ கொழப்பான திரவம் வெளியேறி சமையலே கெட்டு விடும்.
சமைக்கும் போது கவனிக்க:
இன்று வெண்டைக்காய் சாம்பார் இல்லாத வீடுகளே இல்லை என்று கூறலாம். சூப், ஊறுகாய், குழம்பு என்று வெண்டைக்காயை வைத்து செய்யப்படும் உணவு வகைகளின் பட்டியல் மிகப் பெரியது. வெண்டைக்காயை சின்னச் சின்ன துண்டுகளாக நறுக்கி, வெயிலில் காய வைத்து, எண்ணெயில் பொறித்து வடகமாக சாப்பிட்டால் சுவையாக இருக்கும்.

வெண்டைக்காயின் கொண்டைப்பகுதியை வெட்டி தோசை மாவு அரைக்கும்போது சேர்த்தால் தோசை மிருதுவாக வரும்.
வெண்டைக்காயை துண்டாக வெட்டி நறுக்கும் போது அதிலிருக்கும் கொழ கொழப்பு மொத்தையாக்கி சரியாக வதங்காது. அதனால் கொழகொழப்பு நீங்க எலுமிச்சை சாறு, அல்லது தயிரை சிறிதளவு விட்டு வதக்கலாம்.
மிக மிக பொடியாக வெட்டி நறுக்கினாலும் கொழ கொழப்பு அவ்வளவாக இருக்காது. வெண்டைக்காயை தக்காளி, வெங்காயம், சோளம், மீன், உருளைக்கிழங்கு ஆகியவற்றுடன் சேர்த்து சமைக்கும்போது அவை மிகவும் ருசியாக இருக்கும்.
மற்ற காய்கறிகளோடு சேர்த்து சமைக்கும் போது வெண்டைக்காயை அதன் கொழகொழப்பு வராமல் தனியாக வதக்கி கடைசியில் சேர்க்க வேண்டும். இரும்பு, அலுமினிய பாத்திரங்களில் சமைத்தால் கறுத்துவிடும். தக்காளியின் புளிப்புத் தன்மை வெண்டைக்காயின் கொழகொழப்பை முறியடிக்கும்.
வெளிநாட்டில் வெண்டைக்காயை மெலிதாக நறுக்கி வெங்காயம், தக்காளி, பச்சை மிளகாய் இவற்றோடு சேர்த்து ஸாலட்டாகத்தான் சாப்பிடுவார்கள். தனியாக சமைத்து சாப்பிடுவதில்லை. வங்காளத்தில் முற்றிய வெண்டையை உறித்து கொட்டையை சாப்பிடுவார்கள்.
இளசான வெண்டைக்காயை துண்டாக்கி முட்டையில் தோய்த்து ரொட்டித் தூள் அல்லது சோளமாவில் புரட்டி எண்ணெயில் பொரித்தெடுத்து சாப்பிடுவது அமெரிக்காவில் பிரபலம். முற்றிய காயை பேப்பர் செய்யவும் கயிறு செய்யவும் பயன்படுத்துகிறார்கள்.

உணவுச் சத்து:

பாதி கரையும் நார்ச்சத்து, பாதி கரையாத நார்ச்சத்துக்கள் இதில் உள்ளன. கரையும் நார்ச்சத்து உடலிலுள்ள கொலஸ்ட்ராலை குறைக்கிறது. இதனால் மாரடைப்பு போன்ற இருதய நோய்கள் வராமல் தடுக்கிறது. கரையாத நார்ச்சத்து குடலுக்கு திடத்தை கொடுத்து குடல் அழற்சி, குடல் புற்றுநோய் வராமல் தடுக்கிறது.
ஒரு கப் சமைத்த வெண்டைக்காயில் இருக்கும் உணவுச் சத்துகளின் அளவு:
கலோரி 25, நார்ச்சத்து - 2 கிராம், புரோட்டின் 1.52 கிராம், கார்போஹைட்ரேட் 5.76 கிராம், விட்டமின் ஏ 460 IU, விட்டமின் சி 13.04 மில்லி கிராம், ஃபாலிக் ஆசிட் - 36.5 மைக்ரோ கிராம், கால்சியம் 50.4 மில்லி கிராம், இரும்புச் சத்து 0.4 மில்லி கிராம், பொட்டாசியம் 256.6 மில்லி கிராம், மெக்னீசியம் - 46 மில்லி கிராம்.
வெண்டைக்காயைத் தொடர்ந்து சாப்பிட்டு வரும் இளம் பெண்களுக்கு ஆப்பிள் பழம் போல அழகிய கன்னங்கள் உண்டாகும். மேலும், புஷ்டியான முகத்துடன் பளபளவென்று மின்னுவார்கள்.
வெண்டைக்காய் வேரை இடித்துப் பொடியாக்கி அதை இரவு உணவிற்குப் பின் பாலில் கலந்து சாப்பிட்டு வந்தால் ஆண்மை அதிகரிக்கும். 10 கிராம் பொடியை 10 கிராம் அளவுள்ள நெய் மற்றும் தேனில் கலந்து தினமும் சாப்பிட்டு வந்தால் ஆண்களுக்குத் தாது பலம் ஏற்படும்.
வெண்டைக்காயில் ஏ, பி மற்றும் சி ஆகிய வைட்டமின்கள் இருக்கின்றன. குடல் புண்ணால் ஏற்படும் வயிற்று வலிக்கு வெண்டைக்காய் ஒரு சிறந்த மருந்து. பண்டைய காலத்தில் லேசான காயம், நீர்க்கட்டு, பரு போன்ற பிரச்சினைகளுக்கு வெண்டைக்காய்ச் செடியின் இலைகளை அரைத்து மருந்தாகப் பயன்படுத்தினர்.
வயிற்றுப் போக்கைக் கட்டுப்படுத்தும் தன்மையும் வெண்டைக்காய்க்கு உண்டு. சீசனில் விலை குறைவாக இருக்கும்போது நிறைய வெண்டைக்காயை வாங்கி, காய வைத்து தேவைப்படும்போது சூப் தயாரித்துக் குடித்து மகிழலாம். வீட்டிலேயே சிறிய தோட்டம் அமைத்து இயற்கை முறையில் வெண்டைக்காயைப் பயிரிட்டால் அதன் சுவை அதிகமாக இருக்கும். இத்தனை மகிமை வாய்ந்த வெண்டைக்காயை அளவோடு சாப்பிட்டு வந்தால் வளமாக வாழலாம்.

இத்தகவல் நமக்கு மெயிலில் வந்தது. பலரும் பயனடைய இங்கே பதிவிட்டுள்ளேன்

அம்மாடியோ இவ்ளோ இருக்கா இந்த பெண்களின் விரல்களில். இனி விட்டுவைக்கலாமா விரலை வெட்டாமலே சாப்பிட்டுவிடலாமே.
அதாங்க கழுவிவிட்டு அப்படியே சாப்பிடலாமுன்னு சொல்கிறேன் சரிதானே..

என்ன எங்கே கிளம்பிட்டீங்க கூடையை எடுத்துகிட்டு ஓ விரல் வாங்கவாவ அதுவும் பெண்களின் விரல். ம்ம்

அன்புடன் மலிக்கா

உருளை கட்லெட்..

2011-03-05T20:20:00.000-08:00

பெரிய உருளைகிழங்கு 2

வெங்காயம் 1
பச்சைமிளகாய் 2
முட்டை 2
சோளமாவும் ரவாவும் தேவையான அளவு
உப்பு
சீரகப்பொடி 1.ஸ்பூன்
மிளகாய்தூள் 1/4 ஸ்பூன்
கொத்தமல்லி கொஞ்சம்
ஆயில் பொரிதெடுக்க

உருளைக்கிழங்கை முக்கால் வேக்காடக வேகவைத்து அதை சற்று பிசைந்து பொடியாக நறுக்கிய

வெங்காயம். பச்சைமிளகாய். கொத்தமல்லி இலை. மிளகாய்பொடி சீரகசோம்புப்பொடி உப்பு ஆகியவைகளைசேர்த்து பிசைந்து கொண்டு

இதுபோல் உருண்டை பிடிக்கவும்.

முட்டையை நன்றாக அடித்துக்கொண்டு அதில்

இந்த உருண்டையை முக்கியெடுத்து-பின்பு

சோளமாவு மற்றும் ரவாவாவையும் கலந்துகொண்டு அதில் பிரட்டி.

ஆயில் சூடானதும் மிதமாக தீயை வைத்து, மெதுவாக ஆயிலில்போட்டு உடைத்துவிடாமல் பக்குவமாக திருப்பிபோட்டு

பொன்முறுவலாக சிவந்ததும் எடுக்கவும்

இப்போது சூடான சுவையான கட்லெட் நொடியில் ரெடியாகிவிடும். அப்படியேவும் சாப்பிடலாம். சாஸ், மற்றும் மயோனஸ், அல்லது பூண்டு சட்னியுடனும், தொட்டு சாப்பிடலாம்..

அன்புடன் மலிக்கா..

இலக்கியவிழா போட்டோக்கள்.

2011-02-26T01:10:00.000-08:00

அமீரக பன்னாட்டு இஸ்லாமிய இலக்கிய கழகம் நடத்திய இலக்கியவிழா மற்றும் கட்டுரைபோட்டி பரிசளிப்புவிழா. அத்துடன்

காவியதிலகம் தந்தை திரு ஜின்னாஹ் ஷரீபுதீன் அவர்களின்

”தீரன் திப்புசுல்தான் காவியம்” மற்றும் ”உணர்வுகளின் ஓசை”[அட நம்மடதாங்க] வெளியீடு. மற்றும்

கீழை சீனா தானா அவர்களின் “நான் விரும்பும் திரு குர்ஆன்” விளக்கமும் நீதியும் கேசட் வெளியீடு நடந்தது அதில் எடுக்கப்பட்ட சில போட்டோக்கள்.

என்ன போட்டோக்கள் பார்த்தாச்சா. இந்த விழாவில்தானே உங்க புத்த வெளியீடும் நடந்தது அந்த போட்டோக்கள் எங்கே அப்படிங்கிறீங்களா.

அது நாளைக்கு நீரோடையில் நீந்தும் நீரின் சலசலப்போடு.

அதாவது விளக்கத்தோடு ஓகே..

அட நமக்குத்தாங்கோ.

2011-01-31T01:18:00.000-08:00

டென்ஷனைக் குறைக்க 10 வழிகள். அட நம்மக்குதாங்கோ..

1 வீட்டிலுள்ள சாமான்களைக் குறிப்பிட்ட இடத்தில் வைக்கவும், எடுத்த இடத்திலேயே திரும்ப வைக்கவும், குழந்தைகள் முதல் பெரியவர்கள் வரை பழகிக் கொள்ள வேண்டும். முக்கியமாகப் பேனா, வாட்ச், வாகன சாவிகள், செக்புக், கிரெடிட் கார்ட், ரேஷன் கார்ட், பால் கார்ட், பீரோ, வீட்டுச் சாவிகள், டெலிபோன் அட்ரஸ் புக் இப்படி முக்கியமான சாமான்களை எடுத்த இடத்தில் திரும்ப வையுங்கள்.

2. சிலர் பிரச்சனைகளே வராது என்று அசட்டு தைரியத்துடன் அலட்சியமாக இருப்பார்கள். அங்கு தான் தவறு செய்கிறார்கள். பிரச்சனைகளை எதிர்பாருங்கள். மனம் எப்போதும் திட்டமிட்டுக் கொண்டே இருக்க வேண்டும். உதாரணமாக, கடைசி நாள் வரை பயண டிக்கெட்டை ரிசர்வ் செய்ய மாட்டார்கள். எல்லாம் அங்கே போனால் கிடைக்கும் என்ற அலட்சியம், சில சமயம் காலை வாரி விடும். லீவு சமயங்களில் ஒரு மாதம் முன்னதாகவே டிக்கெட் ரிசர்வ் செய்வது நல்லது. அது போல் ஏதாவது ஒரு இடத்திற்குக் குறிப்பிட்ட நேரத்திற்குள் போக வேண்டுமென்றால் (தேர்வு, இண்டர்வியூ) ஒரு மணி நேரம் முன்னதாகக் கிளம்பலாமே. வழியில் போக்குவரத்து நெரிசல், ஊர்வலம், மறியல், பந்த் இப்படி எதிர்பாராத தடங்கல் ஏற்பட வாய்ப்பிருக்கிறது. இதைக் கண்டிப்பாக எதிர்பார்க்க வேண்டும்.

3. காஸ் தீர்ந்து விட்டால் உலகமே ஸ்தம்பித்து விடும் நிலை இன்று. எப்போதும் மண்ணெண்ணெய் ஸ்டாக்கில் வைத்துக் கொள்வது நல்லது. சமயத்திற்குக் கை கொடுக்கும். பாதி வீடுகளில் ஸ்டவ் கூடக் கிடையாது என்பது தான் உண்மை. காஸ் வரும் வரை இடைக்காலத்தில் உதவுவது ஸ்டவ்தான். மின்சார அடுப்புகளைக் கூட நம்பமுடியாது.

4. கோடைக்காலத்தில் கூடவே கரண்ட் கட்டையும் எதிர்பார்க்க வேண்டியதுதான். மெழுகுவர்த்தி, டார்ச், தீப்பெட்டி எல்லாம் ஸ்டாக் வைத்துக் கொள்ளுங்கள். இருட்டில் இதை வாங்கி வைத்திருக்கக்கூடாதா? என்று யாரையும் திட்டி பிரயோஜனமில்லை.

5. இன்று வாகனங்கள் இல்லாத வீடுகளைப் பார்க்கவே முடியாது. அடுத்த தெருவுக்குப் போக வேண்டுமென்றால் கூட, ஸ்கூட்டர் அவசியமாகி விட்டது. எப்போதும் வாகனங்களில் குறைந்தது இரண்டு லிட்டர் பெட்ரோல் நிரப்பி வைத்துக் கொள்வது நல்லது. அதுபோல் வாகனங்களை சர்வீஸுக்குக் கொடுத்து, நல்ல நிலையில் எப்போதும் வைத்திருந்தால் தான் வழியில் தகராறு செய்யாமல் ஓடும்.

6. மாணவ மணிகளுக்கு டென்ஷனே தேர்வு தான். அன்றாடப் பாடங்களை அன்றே முடிப்பதுதான் சிறந்த வழி. மணிக்கணக்கில் வாயால் படிப்பதை விட எழுதிப் பார்ப்பது மனதில் விரைவில் பதியும். எழுதிப் படியுங்கள்.

7. ஆபீஸ் வேலையோ, வீட்டு வேலையோ எது முக்கியம், எது அவசரம் என்று ஒரு பட்டியலிட்டு அதன் படி செயல்படுத்துங்கள். டெலிபோன் பில், மின்சார பில், பால் கார்டு போன்றவைகளைக் குறிப்பிட்ட தேதியில் கட்டவோ, வாங்கவோ, வேண்டிய நிர்ப்பந்தம் இருக்கும். அலட்சியமாக சோம்பி இருந்து விட்டு, கடைசி தேதியில் இங்கும் அங்குமாக அபராதத் தொகையுடன் கட்டும்படி வைத்துக் கொள்ளாதீர்கள்.

8 .தீடீர் விருந்தாளிகள் அல்லது உறவினர்கள் வருவார்கள் என்று எப்போதும் எதிர்பாருங்கள். வங்கியில் பணம் வைத்திருப்பது நல்லது. எதிர்பாராத அதிகப்படி செலவுகளைச் சாமாளிக்க உதவும். அது போல் விருந்தாளிகள் வருவது சாமான்களிலிருந்து அவர்களைச் சுற்றிக் காண்பிக்கப் போகும் இடம் வரை (எந்த நாளில் எங்கே போக வேண்டும்) மனதில் தீர்மானித்து வைத்துக் கொள்ளுங்கள். உங்கள் ஊர் விஷயங்கள் உங்களுக்குத்தானே நன்றாகத் தெரியும். இதனால் கடைசி நேரக் குழப்பங்கள் குறையும்.

9. நோயற்ற வாழ்வே குறைவற்ற செல்வம் என்பது சரி தான். ஆனால் சிறு சிறு உடல் உபாதைகள் வரத்தான் செய்யும். குழந்தைகள் உள்ள வீடுகளில் கேட்கவே வேண்டாம். தலைவலி, பல்வலி, ஜலதோஷம், இருமல், காய்ச்சல் போன்ற எளிய நோய்களுக்கான மருந்துகள் எப்போதும் கைவசம் ஸ்டாக் இருக்க வேண்டும். நடுராத்திரியில் அடுத்த வீட்டுக் கதவைத் தட்ட வேண்டிய அவசியமில்லாமல் பார்த்துக் கொள்ளுங்கள்.
அதுபோல் பண சக்திக்கோ, உடல் சக்திக்கோ மீறிய வேலைகளை நண்பர்கள் அல்லது உறவினர்களின் வற்புறுத்தலுக்காக செய்வதைத் தவிர்த்து விடுங்கள்.
உதாரணமாக திட்டமிடாமல் நினைத்த நேரத்தில் சுற்றுலாப் பயணத்திற்கு ஏற்பாடு செய்துவிட்டு உங்களைக் கூப்பிடுவார்கள். பணம் பின்னால் கொடுக்கலாம்… நீ வந்தால் போதும் என்று வற்புறுத்துவார்கள். இமேஜை காப்பாற்றிக் கொள்ள, போய் விட்டு வந்து அழுபவர்கள் எத்தனை பேர் தெரியுமா? பயண ஒவ்வாமை, பணத் தட்டுப்பாடு இப்படி எத்தனையோ காரணங்கள் இருக்கலாம். வறட்டுக் கெளரவத்திற்குத் தலையைக் கொடுத்து விட்டு, உடல்நலம் கெட்டுப் போவதுடன், பணமும் கரைந்து போவதுதான் மிச்சமாகும். கூடவே வீட்டில் உள்ளவர்களிடம் டென்ஷனுடன் கத்திக் கொண்டிருப்பீர்கள்.

10. ஸ்டிரைக், அடை மழை காலங்களில் ஓரிரு தினங்கள், குழந்தைகளைப் பள்ளிக்கு அனுப்புவானேன். வீண் டென்ஷனை விலைக்கு வாங்குவானேன்? குழந்தைகள் பள்ளியிலிருந்து வரும் வரை, வாசலுக்கும் உள்ளுக்கும் நடக்க வேண்டிய டென்ஷனை குறைக்கலாமே. சிறிய கிளாஸாக இருந்தால் லீவு போடுவது தவறில்லை. போர்ட் எக்ஸாம் எழுதப்போகும் குழந்தைகள், ஒன்று மழை நின்ற சமயத்தில் முன்னதாகக் கிளம்பலாம். இல்லை, பொறுப்பாக அவர்களைக் கொண்டு விட்டு வரலாம்.
முடிவாக அன்றாட வாழ்க்கையில் நாம் அனுபவிக்கும் முக்கால்வாசி டென்ஷன்களுக்கு நாமே தான் காரணம். பலதும் தவிர்க்கக் கூடியது. எல்லாவற்றிற்கும் முதன்மையான காரணம் அலட்சியப்போக்கு, திட்டமிடாமை, அதை விட அளவுக்கு அதிகமாக எதிர்பார்ப்புகள் தான். இதையும் மீறி வாழ்க்கையில் எதிர்பாராத டென்ஷன்கள் வரலாம். வரும். எப்படிப்பட்ட பிரச்சனைகளையும் நண்பர்களின் உதவி, பணபலம் மற்றும் வாகன வசதி இருந்தால் ஓரளவு சமாளித்து விடலாம்.
இதைவிட, மனதில் தன்னம்பிக்கை இல்லாதவர்கள்தான் அதிகம் டென்ஷனாகிறார்கள். எந்தப் பிரச்சனைகளையும் குடும்பத்தாருடன் நிதானமாகப் பேசி, கலந்தாலோசித்து முடுவு எடுங்கள். வயதில் சிறியவர்களானாலும் சில சமயம் சிறந்த யோசனைகளைக் குழந்தைகள் கூடக் கொடுப்பார்கள். குடும்பத்தில் மன ஒருங்கிணைப்பு இருந்து விட்டால் டென்ஷனுக்கு இடமேயில்லை.

11. என்ன படிச்சிமுடிச்சாச்சா. சரி எவ்வளவுக்கெவ்வளவு டென்ஷனை குறைக்கமுடியுமோ அவ்வளவுக்கவ்வளவு நம் உடலுக்கும் மனதுக்கும் மிகவும் நல்லது
நடப்பது நடந்தே தீரும். நடப்பதற்கு முன் யோசிக்கவேண்டியைகளை விட்டு விட்டு நடந்துமுடிந்தபின் வருத்தப்படுவதில் அர்த்தமேயில்லை. ஆகவே டேக்கிட்டீஸி பாலிஸின்னு எதையும் ஈஸியாக எடுத்துக்கொண்டு. [அதுக்காக எல்லாதிலும் அல்ல இருப்பதில் கவனமாக இருந்துகொண்டு] வாழ்க்கையை வளமாக்கிக்கொண்டே செல்லுங்கள். அனைத்தும் நன்மையாக முடியும். இது இதுமட்டும்தான் நம்மோடது மற்ற மேலே உள்ள பத்து வழிகளும் நமக்கு மெயிலில் வந்தது அதை உங்களுக்கு அறிவிக்கத்தான் இந்த பதிப்பு எப்புடி..

அன்புடன் மலிக்கா

இறால் காய்கறி குழம்பு

2011-01-22T01:47:00.000-08:00

தேவையானவை.

இறால் தேவையானளவு

முறுங்கைகாய் 2

கருணைகிழங்கு 1/2 கப்

பீன்ஸ் 10

வெங்காயம் 1

பச்சைமிளகாய் 2

மல்லிதூள் 2 ஸ்பூன்

சோம்புசீரகத்தூள் 2 ஸ்பூன்

மஞ்சள்தூள் 1ஸ்பூன்

மிளகாய்தூள் 2 ஸ்பூன்

புளி

ரயின்போ பால்

ஆயில்

உப்பு

தாளிக்க கருவேப்பில்லை கடுகு.

சட்டியை சூடாக்கி ஆயில்விட்டு அதுசூடானதும், நறுகியகாய்கள் மற்றும் தலைநீக்கி சுத்தம் செய்த இறால் அனைத்தையும் போட்டு வேசாக வதக்கவும்.

அது சற்றுவதங்கியதும் மிளகாய்தூள் போட்டு

வதக்கவும்

புளியை சற்று ஊறவைத்து கரைத்து அத்துடன் மசாலாக்களையும் சேர்த்து கரைக்கவும்

வதங்கிய இறால் காய்களுடன் கரைத்த மசாலாவை ஊற்றவும்

தேவையான அளவு தண்ணீர்விட்டு உப்புபோட்டு மூடிவைத்து, நன்றாக கொதித்து மசாலாவாசம் போனதும் திறந்து . கருவேப்பிலை,கடுபோட்டு தாளித்து ஊற்றவும்

இரால் காய்கறி குழம்பு ரெடி.

இது தேங்காய்பால் சேர்க்காமல் ரெயின்போ பால் சேர்த்த குழம்பு.

சாதம். குபுஸ்.மற்றும் சப்பாதிக்கூடவும் சாப்பிட டேஸ்டாக இருக்கும்.

அன்புடன் மலிக்கா

ரசித்து பின் ருசிக்கவும்.

நடந்தால் உடம்பு கூடவே வருதா?

2011-01-09T08:21:00.000-08:00

உடல் எடையைக் குறைக்க உருப்படியான வழிகள்

1. குளிர்பானம் கூடவே கூடாது

2.. உணவிற்கும் உறக்கத்திற்கும் 3 மணிநேர இடைவெளி வேண்டும்

3. பகல் தூக்கம் கூடாது

4 .அரிசி சார்ந்த உணவுகளை முடிந்த மட்டில் நிறுத்த வேண்டும்

5. உண்ணும்போது வெதுவெதுப்பான நீர் அருந்த வேண்டும்

6. எப்போதும் பனிக்கட்டி நீர் பருகவே கூடாது

7. வாரம் ஒரு முறையாவது வெறும் பழங்களை மட்டும் உண்ணவேண்டும்

8. வாழைப்பழம் உண்ணக் கூடாது

9. சைவ உணவிற்கு மாறிவிட வேண்டும்

10. அசைவம் வேண்டுமானால் பொரிக்காத மீன் மட்டும் சாப்பிடலாம்

11. எண்ணையில் பொரித்த உணவுகளை நிறுத்தவேண்டும்

12. சைனீஸ் உணவுகளை நிறுத்தவேண்டும்

13. உணவில் உப்பு குறைவாகச் சேர்த்துக்கொள்ள வேண்டும்

14. இனிப்பு வகைகளைத் தவிர்க்க வேண்டும்

15. சிவப்பு மிளகாய்த்தூள் சேர்க்கக்கூடாது

16. புளி சேர்க்கக் கூடாது

17. உருளைக் கிழங்கு சாப்பிடக் கூடாது

18. நிறைய நீர் அருந்த வேண்டும்

19. காப்பி தேநீர் அருந்துவதை தவிர்க்க வேண்டும்

20. மது அருந்தக் கூடாது

21. தொலைக்காட்சி பார்த்துக்கொண்டே உண்ணக்கூடாது

22. சாப்பிடும்போது உரையாடுதல் கூடாது

23. தினமும் குறைந்தது ஒரு மணி நேரம் நடைப்பயிற்சி வேண்டும்.

இது நம்மளோடது
24.
சாப்பாடு ருசியாக இருக்கேன்னு கொஞ்சமா வச்சிறாதீங்க கொஞ்சமா வச்சிறாதீங்கன்னு தட்டை நீட்டக்கூடாது.

25. அடுத்தாத்து சாப்பாடு நான்னாயிருக்குமேன்னு அவாவீட்டுக்குபோயிருக்கிறச்சே ஒரு வெட்டு வெட்டக்கூடாது..

இது பார்க்கமட்டும்தான்..அதாவது எனக்குமட்டும்]

என்ன எல்லாதையும் படிச்சாச்சா. அப்படியே ஃபாலோபண்ணுங்க.
என்னங்க எல்லாமே கூடாதுன்னுசொன்னா எதை சாப்பிடுவதுன்னெல்லாம் எடக்குமடக்கா கேட்கக்கூடாது. நடந்தா உடம்பு கூட வரவேண்டாமுன்னு நினைக்கிறவங்க இதை ஃபாலோபண்ணலாம்.

இது என் சொந்த கதையல்ல சுட்டகதை.
ஆசானிடமிருந்து மெயிலில் வந்தது அதை நாமமட்டும் வாசித்துவிட்டு வச்சிருந்தா எப்புடி அதான் உங்களாண்டையும் சொல்லிக்கலாமுன்னு ..

அன்புடன் மலிக்கா

சிக்கன் காளிஃப்ளவர் மசாலாக்கறி!

2010-12-27T10:15:00.000-08:00

சிக்கன் 1/2 கிலோ
காளிஃப்ளவர் 1 கப்
இஞ்சிபூண்டு பேஸ்ட் 2 ஸ்பூன்
பட்டை லவங்கம்
வெங்காயம் 2
தக்காளி 2
பச்சைமிளகாய் 3.4.
மிளகாய்தூள் 2 ஸ்பூன்
ஆயில்
உப்பு

மசாலாக்கு தேவையாவை
கடலைப்பருப்பு 3 ஸ்பூன்
சிகப்பு மிளகாய் 6
மிளகு 2 ஸ்பூன்
பட்டை சிறிதளவு
சீரகம் சோம்பு 2 ஸ்பூன்
தேங்காய் துருவியது 1 கப்.

சிக்களை நன்றாக கழுவி சுத்தம் செய்து திட்டமான பீஸாக்கிக்கொள்ளவும்.
உப்பும், மிளகாய்தூளும் இட்டு சிக்கனை 10 நிமிடம் பிரட்டிவைக்கவும். தக்காளி. வெங்காயம்.பச்சைமிளகாய் நீளவாக்கில் அறிந்துகொள்ளவும். .

மசாலாக்களுக்கு தேவையானவைகளை சட்டியில் 1ஸ்பூன் ஆயில் விட்டு சூடானும். அதில் இவைகளைபோட்டு வறுக்கவும். கடைசியாக தேங்காப்பூவையும்போட்டு வறுத்து சற்று ஆரவிட்டு அதை மிக்ஸியில் அரைக்கவும் சற்று கொரகொரப்பாக.

சட்டியில் ஆயில் விட்டு அதுசூடானதும், பட்டைலவங்கம்போட்டு அதில் நறுகிய வெங்காயம்,தங்காளி பச்சைமிளகாய். அனைத்தையும்போட்டு பின்பு .

காளிஃபிளவரை சேர்த்து லேசாக கிளறிவிடவும்.அது வதங்கியதும்.

பின்பு அதோடு இஞ்சிபூண்டு சேர்த்து வதக்கவும்.அதுவும் சற்று மசங்கியதும்.

அரைத்த மசாலாவையும் சேர்க்கவும்.

அது எல்லாம் சேர்வதுபோல் கிளறிவிட்டு மிதமான தீயில்வைத்து வைத்துமூடவும்.மசாலாவாசம்போய் நல்லவாசம் வந்ததும் திறந்து நறுக்கிய கொத்தமல்லியைபோட்டு இறக்கவும்.

இது சப்பாத்தி பரோட்டா இடியாப்பம்.குபூஸ்கூட சாப்பிட மிகுந்த சுவையாகயிருக்கும் சாதம்கூடவும் சாப்பிடல்லாம்.
இதில் காளிஃபிளவர் சேர்த்திருப்பதால் வித்தியாச சுவையாக இருக்கும்..
செய்து சாப்பிட்டுவிட்டு கருத்தினை பகிருங்கள்.
நில்லுங்கள் இப்போது எப்படியிருக்குன்னு சொல்லிட்டுபோங்களேன்..
பார்த்தீங்கள் இந்த கறியை சாப்பிட ஒட்டத்திலேயே ஏறிவந்துட்டாங்கன்னா பாத்துக்கோங்க வாசமும் மணம் இழுத்துகொண்டுவந்துவிட்டது.[எப்படியெல்லாம் பில்டப் போடவேண்டியிருக்கு ஆத்தாடி].

எங்கே செல்லும் இந்த பாதை! [ஒரு பகீர்]

2010-12-07T20:33:00.000-08:00

காலையிலேயே இப்படி ஒன்ன நான் பார்க்கனுமா.[யாரது அங்கே அப்ப மதியம் பாக்கலாமான்னு]. அட சொல்லவிடுங்கப்பு.. சரி நேசனல்டே லீவில் யு ஏ இ .சுற்றியதை போட்டோவோடு அரங்கேற்றி. சிலபலருக்கு காதில் மற்றும் வயிற்றில் புகையை ஏற்படுதலாமேன்னுதான் அட பொசுபொசுன்னு பொங்குமே செல்லப்பொறாமை அதை பார்க்கலாமேன்னு. பிளாக் பக்கம் வந்தேன். நம்ம அந்நியன் 2. அழைதிருந்தாரேன்னு அவர்வலைப்பக்கம் எட்டிபார்க்கபோனேன். போனேனா அச்சோ அப்படின்னு தலையில் கைவைத்து உக்காந்துட்டேன். வச்ச கண்ணு வாங்கமா பதட்டதோட பார்த்தேன். இது நம்ம நாட்டிலா? ஒருதரம் கண்ணைகசக்கிவிட்டு மீண்டும் பார்த்தேன் லேசாமனசு உள்ளுக்குள் ஆட்டம்கண்டதுபோல தோணிச்சி. ஏன்னா நாம தமிழச்சி ல்ல, அதான். சரி என்னத்த பார்த்தா அதச்சொல்லு இங்கே ஹாட்பிட் எகிறுதுங்கிறீங்களா!
சரி சரி இதோ அட அத நீங்களும் பாருங்கப்பு.

அந்நியன் 2

.ஏங்கே செல்லும் இந்த பாதை யாரோ யாரோ அறிவாரோ. காலம் காலம் செய்த கோலம் யாரோ யாரோ உணர்வாரோ.

தப்புதப்பா பாடுறேனோ ஏதோ பாடிட்டேன் விடுங்கோ.

காலத்தின்மேல பழியப்போட்டுவிட்டு மனிதயினம் வெகுவாக தப்பித்துக்கொள்ளப்பார்க்கிறது. நாகரீத்தில் சிக்கி அலைக்கழிஞ்சி சீரழிஞ்சிபோகுதேன்னு வருதப்பட்டா. இது அந்தகால தமிழ் கலாச்சாரமுன்னு சான்றிதழ் வேறு கொடுக்குறாங்கப்பு.என்ன செய்ய கண்ணிருக்கு பாக்க காதிருக்கு கேக்கன்னு பார்த்துட்டு இருக்கமுடியல அதான் உங்ககிட்ட சொல்லலாமேனு சொல்லுறேன்.

என்னத்தச் சொல்ல காலம் கலிகாலம் முத்திபோய் முத்திபோய்
கடைசியில் இருக்கும் கலச்சாரமும் சீரழிஞ்சிபோச்சி. மிச்ச சொச்சமிருக்கும் மானமும் காற்றில் கலந்திடும் சூழல உருவாயிடுச்சி.
[என்னது அதுவும் போச்சா அடியாத்தி] வெறுமன நிக்கிற ஊர்ல சட்டபோட்டா கேலிதான் பண்ணுவாகப்பு பாத்துயிருங்க.

நாகவநாகரீக வளர்ச்சியின் உச்சதிலிருக்கும் மனிதர்களுக்கு கீழே இருந்துகொண்டு கத்தினால் கேட்காது. ஒருவனுக்கு ஒருத்தி.
உடலும் மனமும் ஒருவருக்குதான் என்னும் தமிழ்கலாச்சாரம் மாறிபோச்சா[சோ] என்றே தோன்ற வைக்கிறது.
உணர்வுகள் மற்றும் உணர்ச்சிகள் மேலிட கட்டிப்பிடிப்பதும் பலயிடங்களில்முத்தமிடுவதும். கணவன் மனைவிக்கே சொந்தமான ஒன்றை, அவர்களின் கண்முன்னே அடுத்தவர்கள் நடத்தும் கேலிக்கூத்து அதிரத்தான் வைக்கிறது.

காலம் மாறலாம். கோலம் மாறலாம்.எத்தனையோ வழிகளில் நாகரீகம் தோன்றலாம் ஆனால் மனிதனெனுக்கென்று வகுக்கப்பட்ட சில எல்லைகளை தாண்டுவது சரியல்ல. அது அவனைமட்டுமல்ல அவனைசார்ந்தோரையும். சுற்றியுள்ளோரையும் பாதிக்கும்.

.நம்மை படைக்கப்பட்டதின் நோக்கமறிந்து,இறைவன் காட்டிய நேர்மையான வழியில் நடந்து, உணர்வுப்பூர்வமான உணர்களை மதிப்போர்களுக்கு மட்டுமே இதை சொல்கிறேன்.

இப்படிதான் வாழவேண்டுமென்று வரையரை வகுத்து
வாழ்வதுதான் வாழ்க்கை
எப்படி வேண்டுமென்றாலும் வாழலாம் என்பதல்ல
வாழ்வதும் வீழ்வதும்.
சிறப்புறுவதும் சீரழிவதும்
அனைத்துமே! அனைத்துமே
உங்கள் கையில்,உங்கள் மனதில் உங்கள் எண்ணத்தில்.
உங்களிடமே! உங்களிடம்தான்..

ஆதங்கத்தோடு.
அன்புடன் மலிக்கா

ஃபிரஞ்ச்ஃபிரை மிக்ஸ் சிக்கன்

2010-11-29T20:19:00.000-08:00

தேவையானவை

வேகவைத்த சிக்கன் 2 கப்

ஃபிரஞ்ச்பிரை 1 கப்
பெரிய வெங்காயம் 1
தக்காளி 1
சிகப்பு காய்ந்தமிளகாய் 3 [லேசாய் பொடியாக்கியது]
இஞ்சிபூண்டு பேஸ்ட் 1 ஸ்பூன்
பட்டை, லவங்கம்,
கிராம்பு 3 ,பிரிஞ்சியிலை
கொத்தமல்லி
ஆயில்
உப்பு

ஃபிரஞ்ச்பிரையை ஃபிரிஜரிலிருந்து சற்று வெளியில் எடுத்துவைத்துகொள்ளவும்ம் அதன் ஜில் போனதும் சேர்க்கனும்

வேகவைத்த சிக்கனை சிறிய பீசாக உதிர்த்து, வெங்காயம் தக்காளி

நீளவாக்கில் அரிந்துகொண்டு

கடாயை அடுப்பில் வைத்து சூடானதும் 2 ஸ்பூன் ஆயில்விட்டு அது சூடானதும் பட்டை, லவங்கம், கிராம்பு

பிரிஞ்சியிலை.அனைத்தையும்போட்டு,பின் நறுக்கிய வெங்காயம் தக்காளியை போட்டு சற்று சிவந்ததும் இஞ்சிபூண்டு பேஸ்ட்மற்றும் சிகப்பு காய்ந்தமிளகாய் சேர்த்து கிளறவும் நல்லமணம் வரும் ,

அப்போது சிக்கன் மற்றும் ஃபிரஞ்ச்ஃபிரை சேர்த்து அதன்மேல் உப்புபோட்டு மிதமான தீயில் வைத்து கிளறவும்

பின்பு பொடியாக நறுக்கிய கொத்தமல்லி தூவி கிளறிவிட்டு இறக்கவும்.

இப்போது ஃபிரஞ்ச்ஃபிரை மிக்ஸ் சிக்கன் ரெடி.

ருஸ்தி//என்ன பக்கத்திலிருக்கும் பையனைப் பார்த்து பயந்துட்டீங்களா வேறொன்னுமில்லை இதை சாப்பிட்டுவிட்டுதான் பறந்து பறந்து விளையாடுறேன், அடிக்கிறேன். மிதிக்கிறேன். அப்படின்னும் . அடுத்தவங்க தாக்கினா அவங்க கைகாலுதான் உடையுமுன்னு கையவேற தூக்கி காட்டுறான்போல இதை செய்து சாப்பிட்டு நல்ல தெம்பாயிருங்கன்னுமுன்னு அவன் சொல்லுறான் நல்ல காதுகொடுது கேளுங்கப்பு..

அன்புடன் மலிக்கா

இப்படியும்கூட ”கடி” நோய்கள்

2010-11-27T21:08:00.000-08:00

திருடர்களுக்கு ”கொள்ளை"நோய்

வழக்கறிங்ஞர்களுக்கு ”வாத" நோய்

விவசாயிகளுக்கு ”மேக"ப் படை

பெண்களுக்கு ”பொன்"னுக்குவீங்கி

வழுக்கைத்தலையர்களுக்கு ”விக்"கல்

எறும்புகளுக்கு ”சக்கரை"நோய்

பால்காரர்களுக்கு "கோமா"

பாம்புகளுக்கு ”புற்று"நோய்

போர்வீரர்களுக்கு "படை"

சாராய வியாபாரிகளுக்கு கா"மாலை" நோய்

இப்படியெல்லாம் யோசிப்போர்களுக்கு. யோசிபீசியா அட்டாக்
[ஹி ஹி ஹி இது மட்டும் நம்மோடது]

கிஸ்கி//இருக்கிற வியாதியை எப்படியெல்லாம் பில்டப் பண்ணுராங்கப்பு. எங்கிருந்துதான் யோசிப்பாங்களோ. [மல்லி உனக்கு மூளையில்லாட்டி அடுத்தவாளுக்கும் இல்லையின்ன அர்த்தமா!]
அவாளெல்லாம் இப்படியோசிக்கிறதாலதானே இப்படியெல்லாம் மேட்டர்கிடைக்கிது.
யோசிபோர் சங்கமே நல்லாயோசிங்க யோசிங்க அப்படியே கொஞ்சம் நல்லதா யோசிச்சி நாட்டையும் முன்னேத்துங்க

என்னாடா எழுதுறதுன்னு யோசிச்சப்ப, எப்பவோ எங்கயோ படிச்சது யாரோ யோசிச்சது இப்ப நியாபகம் வந்துடுதுத்து எழுதிவிட்டேன்..
அன்புடன் மலிக்கா

ஈஸி முர்தபா [லாப்பை]

2010-11-20T23:06:00.000-08:00

தேவையானவை

ரெடிமேட் பரோட்டா 5

முட்டை 1
மட்டன் கொத்துக்கறி 1கப்
வெங்காயம் 1
தக்காளி 1
பச்சைமிளகாய் 3
கொத்தமல்லி
இஞ்சிபூண்டு பேஸ்ட் 1 ஸ்பூன்
கரம் மசலா 1 ஸ்பூன்
உப்பு
ஆயில்

ரெடிமேட் பரோட்டாவை சற்று வளத்து அதன்மேல் 1ஸ்பூன் முட்டைக்கலவை எடுத்து சுற்றிலும் தடவிவிட்டு

அதற்குமேல் இந்த உள்ளடம் வைத்து இதுபோன்று

நான்குபுறமும் மடக்கி.

பரோட்டாக்கல் சூட்டானது 1/2 ஸ்பூன் ஆயில் விட்டு அதுவும் சூடானதும் இந்த மடித்த முர்தபாவை போட்டு

இருபுறமும் சிவந்ததும் எடுக்கவும்

ஈஸி முர்தபா ரெடி

இதை கோழி மற்றும் கறிக்குழம்போடும் சாப்பிடலாம். சும்மா சாப்பிடவே செமடேஸ்டாக இருக்கும்.
இதில் சோசேஜ் கீமா செய்தும் இதனுள் வைக்கலாம் நம்முடை டேஸ்டுக்கு தகுந்தார்போல் அந்த நேரத்தில் எது இருக்கோ அதைவைத்து ஒரு ஈஸி முர்தபா செய்துகொள்ளலாம்.
நான்வெஜ் சாப்பிடாதவங்க இதில் காய்கறி மிக்ஸ் செய்து அதில்வைத்து சேர்த்து சாப்பிடலாம்..

உடனடி முர்தபா செய்ய சுலபமான வழி..

அன்புடன் மலிக்கா

மரக்கட்டை மனிதர்களால் மானத்திற்கு ஆபத்து.

2010-11-10T20:47:00.000-08:00

கீரிட வைத்தது நமது அலுவலகத்துக்கு வந்த தொலைபேசி அழைப்பு... ""சார்... என் மனைவிக்கு உடம்பு சரியில்லைன்னு அந்த பிரபல மருத்துவமனைக்கு கூட்டிட்டுப் போயிருந்தேன். செக்கப் பண்ற அறைக்கு கூட்டிட்டுப் போயி உடைகளை எல்லாம் கழட்டி டாக்டர் செக்கப் பண்ணியிருக்காங்க. பிறகு, இடுப்புல இன்ஜெக்ஷன் போடும்போது எதார்த்தமா பார்த்தவ அதிர்ச்சி யாயிருக்கா. அவ ஆடைகள் இல்லாம படுத்துருக்குற பெட்டுக்கு நேரா கேமரா இருந்திருக்கு. பார்த்துட்டு வந்தவ எங்கிட்ட சொல்லி அழுதுக்கிட்டிருக்கா சார். பெண்களை பரிசோதனை பண்ணி இன்ஜெக்ஷன் போடுற அறையில எதுக்கு சார் கேமரா? அதுவும் பெண்களுக்கான சிறப்பு மருத்துவமனையில். என் மனைவி மாதிரி எத்தனை பெண்களோட அந்தரங் கத்தை ரகசியமா படம்பிடிச்சு மிஸ்யூஸ் பண்றாங் கன்னு தெரியல. இந்த கொடூரக் குற்றத்தை நக்கீரன்தான் சார் அம்பலப்படுத்தி... அந்த வக்கிர மருத்துவமனை மீது நடவடிக்கை எடுக்க வைக்க ணும்'' -என்றார் தழுதழுத்த குரலில் ஒருவர்.

அந்த நபர் குறிப்பிட்டது சென்னை ஆவடிக்குப் பக்கத்திலுள்ள பட்டாபிராம் ரயில்வே கேட் அருகில் இருக்கும் பிரபல கிரேஸ் மல்டி ஸ்பெஷாலிட்டி மருத்துவமனைதான். பிரசவத்துக்குப் பெயர் பெற்ற மருத்துவமனையில் சிகிச்சைக்கு வரும் இளம்பெண்களின் அந்தரங்கங்களை ரகசியமாக படம்பிடிக்கிறார்களா? என்கிற அதிர்ச்சியுடனும்... அந்த மருத்துவமனையின் புகழைக் கெடுக்க தவறான தகவலை கொடுத்திருப்பாரா? என்கிற சந்தேகத்துடனும் அந்த மருத்துவமனையை நோட்டமிடக் கிளம்பினோம். நமக்கு தகவல் வந்த 21-ந்தேதி மதியமே.

சி.டி.ஹெச். மெயின்ரோட்டிலிருந்து நாம் உள்ளே நுழையும்போதே மருத்துவமனை கேமரா கண் இமைக்காமல் முறைத்தபடி நம்மை கண்காணித்துக் கொண்டிருந்தது. ரிசப்ஷனில் இன்னொரு கேமரா. மதிய நேரம் கூட்டம் எதுவும் இல்லாததால் மருத்துவமனை ஊழியர்களின் கண்கள் நம்மை சந்தேகத்துடன் பார்க்க... வெளியில் வந்து காத்திருந்தோம்.

மணி... மாலை 6. இளம்பெண்களின் கூட்டம் அலைமோதத் தொடங்கியது. கர்ப்பிணி மனைவியை அழைத்து வந்த கணவர்களில் ஒருவரைப்போல் உள்ளே நுழைந்து ரிசப்ஷனில் நின்றோம். ரிசப்ஷனின் இடதுபுறத்தில் ஃபார்மஸிக்கு பக்கத்து அறையில்தான் கேமரா பொருத்தப் பட்டிருப்பதாக நமக்கு வந்த தகவல். டாக்டரை பார்த்துவிட்டு வரும் இளம் கர்ப்பிணி பெண்கள்... திருமணமாகாத இளம்பெண்கள்... அந்த அறைக்கு சென்று பரிசோதனை + சிகிச்சை பெற்றபடி வெளியே வந்து கொண்டிருந்தனர்.
அந்த நேரம் பார்த்து ஒரு வயதான பாட்டி சிகிச்சைக்காக அந்த அறைக்குள் நுழைய... பட்டென்று அந்தப் பாட்டியின் பேரன்களைப் போல் உள்ளே நுழைந்து "பாட்டிக்கு எப்படிங்க இருக்கு?' என்று நர்ஸிடம் பேச்சு கொடுத்தபடியே அந்த அறையில் கண்களை சுழல விட்டோம்.

அடிவயிற்றில் ஆணி அடித்தது போல் இருந்தது. பாட்டி பெட்டில் படுத்திருக்க... அவரின் கால் வைத்திருப்பதற்கு நேராக மேலே சி.சி.டி.வி. கேமரா பொருத்தப்பட்டிருப்பது நம் கண்ணில் பட்டுவிட்டது. அதற்குள் ""சரிங்க... நீங்க வெளியில் போங்க சார்... பாட்டிக்கு இன்ஜெக்ஷன் போடப் போறோம்'' என்றபடி நர்ஸ் கதவை சாத்த அடப்பாவமே... எத்தனை எத்தனை இளம்பெண்கள் இந்த இடத்திலே ஆடைகள் அவிழ்க்கப்பட்ட நிலையில் பரிசோதிக்கப்பட்டு சிகிச்சை பெறுகிறார்கள்? இதையெல்லாம் வீடியோ கேமராவில் பதிவு செய்யப்பட்டு யார் யார் பார்க்கிறார்களோ... என்கிற பதைபதைப்புடனும் அந்த வீடியோ கேமரா பொருத்தப்பட்டிருப்பதை எப்படியாவது ஃபோட்டோ எடுக்க வேண்டுமே என்கிற படபடப்புடனும்... பாட்டியைப் பற்றி விசாரிப்பது போல் திரும்பவும் அந்த அறைக்கு உள்ளே நுழைய முயற்சிக்க... அதற்குள் அந்த பாட்டிக்கு சிகிச்சை முடிந்து ஒரிஜினல் பேரன்கள் பாட்டியை அழைத்துக் கொண்டு போய்விட்டார்கள்.

இனி வேறு இளம்பெண் அந்த அறைக்குள் சிகிச்சை பெறும்போது நாம் கேமராவுடன் உள்ளே நுழைந்தால் பரபரப்பாகிவிடும்... என்ன செய்வது? நகத்தை கடித்துத் துப்பிக் கொண்டிருக்கும் போதே... ஒரு சின்ன "கேப்' கிடைத்தது.

நர்ஸ் மருந்து எடுக்க... வேறு அறைக்குப் போக... பெண் நோயாளியும் அந்த அறையில் இல்லாத நேரம்... பட்டென்று அந்த அறைக்குள் நுழைந்து... கண்காணித்துக் கொண்டிருக்கும் கேமராவையே "க்ளிக் க்ளிக்' என்று ஃப்ளாஷ் போட்டு க்ளிக்கினார் நமது புகைப்படக் கலைஞர்.
அடிவயிற்றில் ஜிலிருடன்... நாம் அந்த அறையிலிருந்து வெளியேற... நல்லவேளை ரிசப்ஷனில் அமர்ந்திருந்த பெண்களும், ஊழியர்களும் அங்கு வைக்கப்பட்டிருந்த தொலைக்காட்சியில் சீரியலை சீரியஸாக பார்த்துக் கொண்டிருந்தார்கள்.
வெளியேறிய நாம்... க்ரேஸ் மருத்துவ மனையின் எம்.டி.யும்... மகப்பேறு மருத்துவ நிபுணருமான டாக்டர் செல்லராணியை 044-26853808 என்ற மருத்துவமனை எண்ணில் தொடர்பு கொண்டோம் -சிகிச்சைக்கு கர்ப்பிணி மனைவியை அழைத்து வந்த கணவனைப் போல்.

""எதுவா இருந்தாலும் மேடம்கிட்ட நேர்ல வந்து பேசிக் கோங்க'' என்று மருத்துவமனை ஊழியர் சொல்ல... நாம் விடாப் பிடியாக கெஞ்சி டாக்டரை லைனில் பிடித்தோம்... நைஸாக.

""ஹலோ வணக்கம்... டாக்டர் செல்லராணி மேடம்ங்களா?''
""ம்...?''
""ஆஹ்... நேத்து என் மனைவியை ட்ரீட்மெண்ட் டுக்காக உங்கக்கிட்ட கூட்டிட்டு வந்தேன் மேடம்...''
""சரி...''

""அது... வந்து... இன்ஜெக்ஷன் போடுற ரூம்ல கேமரா இருக்கிறதை பார்த்துட்டு வந்து அழுறா மேடம்.''
""அப்படியெல்லாம் எதுவும் கேமரா வைக்கலையே?''

""கேமரா இருக்குங்களே மேடம்?''

""ப்ச்... கேமரா வைக்கலேங்குறேன்ல'' (டென்ஷனாகிறார்.)

""அதில்ல மேடம்... நானும் வந்து பார்த்தேன் மேடம்... கேமரா இருக்குறதை. எனக்கென்னன்னா... நீங்க டாக்டர், பார்க்கலாம். ஆனா... வேற யாராவது பார்ப்பாங்களேன் னுதான் மனசுக்கு கஷ்டமா இருக்கு''.

""இங்க பாருங்க... கேமரா கண்ட்ரோல் என் ரூம்லதான் இருக்கு. நான் மட்டும்தான் வாட்ச் பண்ணுவேன். வேற எங்கயும் டிஸ்ப்ளே பண்றதில்ல...''.

""ஓ... அப்படிங்களா? ட்ரீட்மெண்ட் ரூம்ல கேமரா வெச்சிருக்கீங்களே தப்பில்லையா மேடம்?''.

""இதுல என்ன தப்பு இருக்கு? இந்த ஹாஸ்பிட்டலில் 14 கேமரா இருக்கு. நீங்க சொல்ற அந்த அறையில் இருக்கிறது சின்ன கேமராதான். ஸ்டாஃப்கள் வேலை பார்க்குறதை கண்காணிக்கத்தான் கேமரா வெச்சிருக்கோம் என்றபடி போனை துண்டித்தார். நக்கீரன்தான் வந்து ஃபோட்டோ எடுத்திருக்கிறார்கள் என்று முன்பே தெரிந்திருந்தால் மருத்துவமனை நிர்வாகம் உஷாராகியிருக்கும். மருத்துவமனையின் நிர்வாக இயக்குநர் டாக்டர் செல்லராணி டேவிட்டின் "கேமரா பொருத்தப்பட்டிருப்பது உண்மைதான்' என்ற ஒப்புதல் வாக்குமூலமும் நக்கீரனுக்கு கிடைத்திருக்காதே? அதனால்தான் இந்த சைலண்ட் ஆபரேஷன்.

கிரேஷ் மருத்துவமனை ஊழியர் ஒருவரோ ""எல்லா ரூம்லேயும் சி.சி.டி.வி. கேமரா வெச்சிருக்குறதால... நர்ஸ், லேப் டெக்னீஷியன்கள்னு வேலை பார்க்குற பொம்பளப் பிள்ளைங்க ட்ரெஸ் மாத்துறது கூட இந்த கேமராவில் பதிவாகுது. பாவம்... அந்தப் பிள்ளைங்களுக்கு தெரியாது. இவங்களோட இன்னொரு கிரேஸ் ஹாஸ்பிட்டல் பக்கத்துல இருக்கிறதால... டாக்டர் செல்லராணி அங்கே போய்டுவாங்க. அந்த நேரத்துல அவருடைய கணவர் டேவிட்தான் கேமரா மானிட்டரில் உட்கார்ந்திருப்பாரு. அவர் டாக்டருமில்ல... ஆனா... இப்படி எல்லா ரூம்லயும் என்ன நடக்குதுன்னு பார்ப்பாரு. கேமராவில் பதிவானதைக் காண்பித்து ப்ளாக் மெயில் பண்ணியே சில சீனியர் டாக்டர்கள் அந்தப் பெண்களை தங்கள் வலையில் வீழ்த்தியிருக்காங்க. கர்ப்பிணி பெண்கள் மட்டுமில்ல... திருமணமாகாத இளம்பெண்களும், கல்லூரி மாணவிகளும் இந்த மருத்துவமனைக்கு வந்து அந்த அறையில்தான் சிகிச்சை எடுத்துக்குறாங்க'' என்று வேதனையுடன் சொன்னவர் ""ஏற்கனவே நோயாளியின் கிட்னியை திருடியதா பெரும் பரபரப்பானாங்க இந்த டாக்டர். அப்புறம் இளம்பெண்ணுக்கு ஆபரேஷன் பண்றேன்னு பாதி ஆபரேஷன் பண்ணிட்டு மீதியை வேற ஹாஸ் பிட்டலுக்குப் போயி பண்ணிக்கோங்கன்னு திடீர்னு கைவிரிக்க... அந்த இளம்பெண் இறந்துட்டாங்க.... இவ்வளவு நடந்தும் இந்த மருத்துவமனைக்கு பெண்கள் கூட்டம் குவியும். அதை இப்படி வக்கிரமா வீடியோ பதிவு செஞ்சு கணவனை ரசிக்க வைக்கிறாங்களே ச்சே'' என்கிறார் நொந்தபடி.

""கூச்சம், பயம் காரணமாக ஒரு நோயாளி தனது உடலை காண்பிக்க மறுத்துவிட்டால்... வற்புறுத்தி டாக்டர் பரிசோதனை செய்வதே சட்டப்படி குற்றம். அப்படியிருக்க... அதே அந்தரங்கத்தை நோயாளிகளுக்கு தெரியாமலேயே இரகசியமாக படம்பிடித்து டாக்டரோ அல்லது வேறு யாரோ ரசிப்பது... மிஸ் யூஸ் பண்ணுவது பெரும் குற்றம்'' என்கிறார்கள் பிரபல மருத்துவர்கள்.

கிரேஸ் என்றால் மகிமை என்று அர்த்தம். இப்படிப்பட்ட வக்கிர கேமராவால் மகிமை இழந்து நிற்கிறது கிரேஸ் மருத்துவமனை. காவல்துறைதான் கண்காணித்து நடவடிக்கை எடுக்க வேண்டும்.

இந்த செய்தி எனக்கு மெயில் வந்தது
படித்ததும் அதிர்ந்துபோனேன் தேகம் முழுவதும் ஏதோ
ஊர்ந்து செல்வது போலிருந்தது..அச்சோ இது உண்மையாக இருக்ககூடாதுன்னு நினைத்தேன். ஏனெனில் இது எவ்வளவு பெரியகாரியம் தாய்மையடைந்து அதை தக்கவைக்க போராடி உயிரைக்கொடுத்து உயிரை வெளியாக்கும் இடமாச்சேன்னு..

பெண்ணுக்கு பெண்ணே எதிரியாவதா?மகப்பேறு மருத்துவர்கள் தாயைப் போலவல்லவா?தன் தாயிடம் ஒளிமறைவில்லாமல் இருக்கும் குழந்தையைபோல்.தன்னை நம்பிவரும் குழந்தையின் மானத்தை சீரழிப்பதா ? உயிரை காக்கவேண்டியவர்களே அவ்வுயிர் பலியாவதற்கும் .அவ்வுயிரின் மானம் குலைவதற்கும் உடந்தையாக மாறுகிறார்களே இதை நினைதால்தான் உள்ளமே நடுங்குகிறது.
எதை நம்பி நாம் மருத்துவமனைகளுக்கு செல்வது நம்பிக்கையில்தானே அதிலேயும் மண்விழுந்தால் எப்படி?.

பணம் என்றால் பிணமும் எழும் என்பார்கள் ஆனால் இவர்களைபோன்றவர்கள் பணத்துக்காக பிறர் மானத்தை போக்கி அதில் குளிர்காய்ந்து பிணமாக நடமாடுகிறார்கள்.

கவனம் இனி நம்மில்தான் இருக்கிறது எங்கு நோக்கினும் நம்மை நோக்கித்தாக்கும் எதிர்கனைகளை முறியடிக்க கவனம் நம்மில்தான் இருக்கிறது.எத்தனை பட்டாலும் திருந்தாத மனிதர்களைபோல்
எத்தனை கற்றாலும் மனிதமிழந்த ஜென்மங்களாக இருப்போரிடம் அதிஜாக்கிரைதையாக இருக்கவேண்டும்.

காலம் கலிகாலம் ஆகிபோச்சுங்கோ
கேமராக்கள் காலமாக மாறிப்போச்சுங்கோ

கண்ட கண்ட இடத்தில் கேமிராக்கள் பொருந்தப்படுகிறது கண்கானிகிறேன் என்ற பெயரில்.அது பலரில் மானத்தை காற்றில் பறக்கவைக்கிறது என்று தெரிந்தும். நல்லவைகளுக்காக பயன்படுத கண்டுபிடிக்கப்பட்ட அனைத்தையும் தீவைகளுக்காகவே கையாளப்படுவதுதான் வேதனையும் வேதனை.எல்லாம் கம்பியூட்டர் காலத்தின் சோதனை.

தொண்டை கிழிய கத்தினாலும் கைவலிக்க எழுதினாலும் திருந்தமாட்டேன் என்ற மனித மரக்கட்டைகளை என்ன செய்வது.
கண்ணுக்குத்தெரியா தீங்கிலிருந்து நம்மை நாம் பாதுகாத்துக்கொள்ள அவசியம் வேண்டும் வேண்டும்
”விழி ப்புணவு வேண்டும்.

பல தளங்களிலும் இது வெளியாகியுள்ளது

அன்புடன் மலிக்கா

பாதாம் இறால் சாதம்..

2010-11-06T22:12:00.000-07:00

தேவையானவைகள்.

இறால் 1/2 கிலோ
புழுங்கல் அரிசி 2 கப்
தேங்காய் துருவியது 2 கப்
பாதம்பருப்பு 20 ,25
பசுநெய் 2 ஸ்பூன்
வெங்காயம் 1
தக்காளி 1
பச்சைமிளகாய் காரத்திற்கேற்ப
மஞ்சள்தூள் 1 ஸ்பூன்
சீரக சோம்புத்தூள் 2.ஸ்பூன்
கருவேப்பில்லை
கொத்தமல்லி
உப்பு
ஆயில் தேவைக்கேற்ப

அரிசியை கழுவி 1/2 மணிநேரம் ஊரவைத்துக்கொண்டு

இறாலை கழுவி சுத்தம் செய்துக்கொள்ளவும்.தேங்காய்ப்பூவையும் பாதமையும் ஒருசேர நன்றாக அரைத்துக்கொள்ளவும் மிகவும் நைசாக.

1 கப் அரிசிக்கு 2 கப்தண்ணீர் என எடுத்து அதில் அரைத்துவைத்துள்ள தேங்காய் கலவை ஊற்றி

அதனுடம் மசாலாக்களை கலக்கிவிடவும் அதனுடன் உப்பும் போடவும்

ரைஸ்குக்கரில் அதன் பாத்திரத்தை சூடாகி ஆயில் விட்டு அது சூடானது. அதில் பட்டை நறுக்கிய வெங்காயம், தக்காளி,பச்சைமிளகாய், கருவேப்பில்லைப்போட்டு வதக்கி அதனுடன் இறாலையும் சேர்த்து சற்று வதக்கவும்

அதன் வாசம் வந்ததும் இந்த தேங்காய் கலவையை அதில் ஊற்றவும்

ற்று கொதிவந்ததும் அதனுடன் ஊறவைத்திருக்கும் அரிசியைபோடவும்

ஒரு கிளறு கிளறிவிட்டு

மூடி வைக்கவும்

10, நிமிடத்தற்கு பிறகு திறந்து கிளறி அதன்மேல் பசுநெயை ஊற்றி ஒரு கிளறு கிளறவும்

பின்பு கொத்தமல்லியிலை தூவவும்.

இப்போது பாதம் இறால் சாதம்ரெடி.

இதற்கு நாக்கடுகு [தொட்டுகறி] சம்பல். முட்டை அவித்து பொறியல். கருவாட்டுத்தொக்கு என நம்முடைய விருப்பத்துக்கு ஏற்றதுபோல் சைடிஸ் செய்துகொண்டு ஒரு பிடி பிடிச்சிறலாம்.

நல்ல சுவையும் மணமுடன் கூடிய ஹெல்தியான சாதம் குழந்தைகளுக்கு வாரம் ஒருமுறையேனும் செய்து தந்தால் நல்லது.

இந்த பீ பி .கொலஸ்டால். உள்ளவங்க மாதம் ஒருமுறை அனைத்திலும் சற்று கம்மியாக்கிவிட்டு சமைத்து செய்து சாப்பிடலாம்.

அன்புடன் மலிக்கா

தலை தீபாவளியா!

2010-11-03T22:59:00.000-07:00

என்ன நாளைக்கு தீபாவளிக்கு இன்றைக்கே ரெடியாச்சா. இதென்ன கேள்வி நாங்க எப்பவோ ரெடி. அப்படியா. சரி என்ன புடவை . என்ன சுடி.
என்ன மெடி, என்ன பேண்ட், என்ன சட்டை. என்ன என்னகலர். .
என்ன என்ன பலகாரம் செய்திருக்கீங்க. எங்கெல்லாம் போக பிளான்.[பிளாஆஆஆஅன் பண்ணாம எதுவும் செய்யக்கூடாது ஓகே]அப்பாபடா.
ஒருவழியா கேட்டுமுடிச்சிட்டேன். டக்கு டக்குன்னு பதில்சொல்லுங்க பாப்போம்.

காலையில் எழுந்து எண்ணைதேய்த்து தலைமுழுகி. இறைவனைவேண்டி,
பட்டாடையணிந்து. பட்டாசுகொழுத்தி. பலகாரம்துண்ணு.
பந்தமெல்லாம் கண்டு, பாசம்பொங்க மகிழ்ந்து.
நட்பெல்லாம் கண்டு நேசத்தை பகிர்ந்து. ஆட்டம் பாட்டம் கொண்டாட்டம்
அடிச்சி கெளப்புவீகளோ ஆனந்த ஆர்ப்பாட்டம்.

[என்ன நல்லாயிருக்குதா எவ்ளோ கஷ்டப்பட்டு தேடிபுடிச்சி உங்களுக்கா வாங்கி தயார் செய்தேன் தெரியுமா..

என்ன தலை தீபாவளியான்னு கேட்டுபுட்டு ஒன்னும் சொல்லாம இருக்கீகன்னு கேட்குறீகளா. அது ஒன்னுமில்லை. தலை தீபாவளின்னு சொல்லி.பட்டுவேஸ்டி பட்டு சொக்கா. அச்சோ சட்டை.
மைனர் சையின் மாப்பிள்ளை மோதிரம். சீர் செனத்தி. ரொக்கப்பணம் இப்படி யார் யாரெல்லாம் கேட்கிறார்களோ அவர்களுக்கு இதோ இங்கே தரலாமுன்னுதான். [பாவங்கோ பொண்ணுவீட்டுகாங்கோ அவாளுக்கு எத்தனை சிரமமிருக்கும் அதான்]

என்னது இது நியாயமா அடுக்குமா அவாளுக்கு மட்டும்தானா எங்களுக்கெல்லாமில்லையா அப்படினெல்லாம் பின்னாலிருந்து சவுண்ட் வருவது நல்லாவே கேட்குது. இருங்கோ இருங்கோ. உங்களிக்கில்லாமலா.
அதுக்காக காஸ்ட்லியாவெல்லாம் கேட்ககூடாது கம்பேனிக்கு கட்டுப்படியாகாது ஓகே..[பாவம் பச்சபுள்ள கம்பேனி]

அப்புறம் எல்லாரும் நல்லபடியாக தீபாவளியை கொண்டாடுங்கோ அப்படியே பட்டாசு பக்கமும் கொஞ்சம் கவனமாக இருங்கோ. பசங்களை ஜாக்கரைதையா பாத்துக்கோங்க . அப்படியே பட்டாசு தொழிலில் பட்டமரமாகும் பச்சிளங்களையும் மனதில் கொள்ளுங்கோ. இருளில் இருக்கும் அவர்களுக்கும் ஒளிபோல் வாழ்கையமைய வேண்டுங்கள்.............................

இருங்கோ இருங்கோ அப்படியே பலகாரம் எதுநாச்சும் அனுப்புறத்துன்னு, மயிலு, மெயிலு.காக்கா. புறாக்கிட்டேயெல்லாம் கொடுதுடாமா நல்லபுள்ளையா கூரியரில் அனுப்புங்கோ.

டிஸ்கி// தலை தீபாவளி கொண்டாடடும் என் தோழி விஜயாவுக்கு ஒரு ஜே. அப்படியே வாழ்த்துகள் மணமக்களுக்கு..பல்லாண்டு நிம்மதியாகவும் சந்தோஷமாகவும் வாழ வாழ்த்துக்கள்..

தீபாவளி கொண்டாடும் அனைத்து நெஞ்சங்களுக்கும்
அன்பான தீபாவளி நல்வாழ்த்துக்கள்..

அன்புடன் மலிக்கா

நல்லெண்ணை சாதமும், மருத்துவமும்..

2010-10-30T23:42:00.000-07:00

தேவையானவைகள்..

நல்லெண்ணை 2 குழிக்கரண்டி

சிறிய வெங்காயம் 150 கிராம்

முட்டை 1

மிளகுதூள் 1 ஸ்பூன்
உப்பு

சோறு 2.கப்.
நல்லெண்ணையை சூடுவந்ததும் வெங்காயத்தை வதக்கவும்

வதங்கியதும் முட்டையை ஊற்றி கிளறவும் எண்ணையின் சத சதப்பிலேயே

மிளகுத்தூளை போட்டு ஒருகிண்டி கிண்டி சோற்றைப்போட்டு எல்லாம் சேர்வதுபோல் கிளறிவிட்டு

இறக்கி இளம்சூட்டோடு பிடித்து பிடித்து சாப்பிட்டால் சூட்டினால் ஏற்படும்
தொண்டைவலி தலைச்சூடு திடீர் வயிற்றுவலி போகும் என என் அம்மாவின் அம்மா செய்து தரும் பலனும் கிடைத்திருக்கு.
இது சாப்பிடவும் ருசியாக இருக்கும்.
-------------------------------------------------------------------------------------------------------------

நல்லெண்ணையில் பல்வேறு மருத்துவக் குணங்கள் உள்ளன.
நல்லெண்ணையை தலை முதல் கால் வரை தேய்த்துக் குளிப்பதால் உடல் சூட்டைக் குறைக்கிறது.உடலில் படியும் அழுக்கையும், எண்ணெய் பசையையும் அகற்றி தோல் பகுதியை சுத்தமாக வைக்கவும் இது உதவும்.

மேலும் பூப்படையும். [வயதுக்குவரும்] பெண்களுக்கு சுத்தமான நல்லெண்ணெய் சிறிதளவு குடிப்பதற்குக் கொடுக்கலாம்.

அவ்வாறு கொடுப்பதால், கரு முட்டை உற்பத்தி உறுப்புகள் சீராக செயல்படும். மேலும், கருப்பையில் அழுக்கை அகற்றும் பணியையும் நல்லெண்ணை செய்கிறது என்பது அக்காலம் தொட்டுவரும் சிறப்[பு]மாம்.

இதன் தனிச்சிறப்பு. உடலில் கொழுப்பு சேர விடாமல் தடுப்பதுதான் கொழுப்பை தடுக்கும் நல்லெண்ணை, ரத்தத்தை சுத்திகரிக்கும் வேலையும் செய்கிறது.

டிஸ்கி//நல்லதுன்னு சொன்னா நல்லாக்கேட்டுகோனும் புரிஞ்சிதோன்னோ..

அன்புடன் மலிக்கா..

அடி மருதாணி.

2010-10-27T20:42:00.000-07:00

டிஸ்கி//மூட்டு வலி, குடைச்சல், தலைவலி, கை கால்வலி, எரிச்சல்

போன்றவைகளுக்கு, இலை மருதாணியுடன் எலுமிச்சை சாறை சேர்த்து அரைத்துப் இடலாம். மருதாணி இலையை மைய அரைத்து உள்ளங்காலில்

தேய்த்தால் கால் எரிச்சல் குணமாகும். புண், நகப்புண், இவைகளுக்கு இலையை அரைத்துக் கட்டினால் குணமாகும். . நகங்களில் தடவினால் நகம் சூப்பராக சிவக்கும்.[படித்தும், செய்ததும்தான்]

ஹலோ ஹலோ இருங்க இதகேட்டுட்டு போங்க
இதெல்லாம் பிரஷ்சாக இருக்கும் மருதாணியில் செய்யவேண்டும். இதேபோல் கோன் மருதாணியில் அல்ல. இதை வாங்கி இப்படியெல்லாம் செய்துவிட்டு டாக்டர்கிட்ட ஓடாதீங்க. அப்புறம் என்னையும் தேடிவந்து ரெண்டு சாத்து சாத்திடாதீங்க.

அடடா”உப்பு” வில் இத்தனை உண்டா! [உப்பு வைத்தியம்]

2010-10-24T21:11:00.000-07:00

சொட்டை[யாஆஆ..] மண்டையில் முடி முளைக்க:
உப்பை நன்றாக தூள் செய்து தினமும் 3 அல்லது 4 வேளை தேய்க்க முடி வளரும் மாம்.

[அதற்காக போட்டு எந்நேரமும் அழுதி தேய்த்து ரதம் வர வைத்துவிடாதீர்கள்.அதானுங்க ரத்தம் ஹா ஹா அப்பால உள்ளதும்போச்சுடுடா நொல்லக் கண்ணான்னு ஆகிடும்]

நகச்சுத்தியா!:
உப்பு, வெங்காயம்.சுடுசோறு. இம்மூன்றையும் சம அளவு எடுத்து அரைத்து நகச் சுற்றில் கட்டிக்கொண்டால் குணமாகும்.

[சம அளவு எடுக்கும்போது சூடா சுல்லுன்னு இருக்கேன்னு ஒருவாய் சாப்பிடதோன்றும் தப்பில்லை அதை செய்துகோங்க]

முள் குத்திடுச்சா [வலி நீங்க:]
உப்பு, மிளகு, சரியளவு எடுத்து நல்லெண்ணையில் வத்தக்கிக்கொண்டு அதன் மேல் ஒத்தடம் தந்தால் இதம் தெரியும்.

[அதுக்காக சுட சுட வைதுடாதீங்கப்பூ அப்புறம் கால் கொப்புளிச்சிடும்]

காதில் எறும்பு அல்லது சிறு பூச்சி புகுந்து [விட்டால்]
கொய்யின்னு சவுண்டு வருமே:

கொஞ்சம் உப்பை நீரில் கலந்து கரைத்து அதை மெதுவாக காதில் விடவேண்டும் சில நிமிடத்தில் எந்த பூச்சியும் வெளியேறிவிடும்.

[அதுக்காக பாம்புபுற்றில் போய் ஊற்றிப் பார்த்துறாதீங்கப்பு அப்பாலா அச்சோஓஓஓ]

விஷக்கடிக்களா!:
குளவி, சிலந்தி போன்ற விஷப்பூச்சிகள் கொட்டினால், கடித்தால், உப்பைகொஞ்சம் தண்ணீபோட்டு கெட்டியாகக் கரைத்தி கடிவாயில் தடவினால் குணங்கொடுக்கும்.
சக்கரைத் தண்ணீரில் சில துளி உப்புத்தண்ணீர் விட்டு உள்ளுக்குள் கொடுப்பதும் நல்லது.

[அதுக்காக உப்புதண்ணீரை கடகடண்ணு குடிச்சிறாதீங்க அப்புறம் உப்புநீர் வந்துடும் அதுக்கு நான் பொறுப்பல்லப்பா]

டிஸ்கி// இவைகளெல்லாம் மல்லி கண்டதும். படித்ததும்தான். பலமான சந்தேகமெல்லாம் கேக்கப்புடாது அப்புறம் நான் அழுதுடுவேன் இன்னும் உப்பைபற்றிய குறிப்புகள் இருக்கு அதெல்லாம் அடுத்தமுறை. இப்பயில்ல ஏன்னா விரல் வலிக்குது ரொம்ப நேரம் கீப்போர்டை தட்டுவது. இருங்க உப்புபோட்டு விரல்கழுவிட்டு அப்புறமா வாரேன்ன்ன்ன்ன்ன்ன்ன்

அன்புடன் உப்பு. அச்சோ

அன்புடன் மலிக்கா

நாக்கடுகு. நார்தங்காய் தொட்டுக்கறி[சம்பல்]

2010-10-19T20:33:00.000-07:00

தேங்காய் துருவியது 1 கப்

நாக்கடுகு

[இதை இங்கிலீஸில் எப்படி சொல்வாங்கன்னு தெரியலை ஹா ஹா]

கருவேப்பில்லை

நார்தங்காய் ஊறுகாய்

சிகப்பு மிளகாய் காரத்திற்கேற்ப

சின்ன வெங்காயம்

உப்பு

நாக்கடுவையும் சிகப்புமிளகாவையும். வெறும் சட்டியை சூடாக்கி அதில் வறுக்கவும் மணம் வரும் அப்போது தேங்காயுடன் மற்றபொருளையும் சேர்த்து ஒன்றாக மிக்சியில் அரைத்து கடைசியில் வெங்காயம் சேர்த்து ஒரு சுற்று சுற்றி எடுக்கவும்

அவ்வளவுதான் மிக ஈசியான சம்பல்.அதேசமயம் ரசம் சாதம் இறால்சாதம். தேங்காய் சாதம் இவைகளுக்கு நல்ல காம்பினேஷன். சும்ம படு சோக்க இருக்கும். சுட சுட சோறுவைத்து அதில் இதைசேர்த்து பிசைந்து சாப்பிட்டால் எப்படியிருக்கும் தெரியுமா. அதெல்லாம் சொன்னாத்தெரியாது. சாப்பிட்டு பாருங்க..

இதுதானுங்க நாக்கடுகு

போட்டுட்டோமுல்ல ஸாதிக்காக்கா அது இதுதான் பெயர் தெரியாததல்ல இதை நாக்கடு[வு]கு என எங்கபக்கம் சொல்லுவாங்க அதான் அதன் பெயர்
அதுக்குமேல தெரியாதுங்கோ வேணுமுன்ன கிஸ்ட்ரி எடுத்து பார்க்கலாம் எனக்குதான் தெரியாதே ஹி ஹி ஹி

அன்புடன் மலிக்கா

ஒத்தையாளா நின்னு எப்படி இந்தியாவை காப்பாத்துவேன்!

2010-10-15T23:35:00.000-07:00

ஏன் இந்தியா பிரச்சனையிலே இருக்கு.

மக்கள் தொகை: 110 கோடி
9 கோடி ஓய்வு பெற்றவர்கள்

30 கோடி மாநில அரசு பணியாளர்கள்

17 கோடி மத்திய அரசு பணியாளர்கள்
(இருவருமே வேலை செய்யறதில்லை)

1 கோடி IT ஆளுங்க (அவங்க என்னிக்கு இந்தியாக்கு உழைசாங்க)

25 கோடி பள்ளில படிப்பவர்கள்

1 கோடி 5வயசுக்கும் கீழானவர்கள்

15 கோடி வேலை தேடுவோர்

1.2 கோடி சீக்கு புடிச்சி ஆஸ்பிடலில் இருப்போர்

ஒரு புள்ளிவிபரத்தின் படி 79,99,998பேர் ஜெயிலில்.

மிச்சம் இருப்பது நீயும் நானும். நீ எப்ப பார்த்தாலும் மெயில் அனுப்பறது/ படிக்கிறதுலேயுமே பிஸியாயிருக்கே!

அச்சோ நான் மட்டும் ஒத்தையாளா இருந்து எப்படி இந்தியாவை காப்பாத்துவேன்.

[இந்த போட்டோ மட்டும் நம்ம தேர்வு ஹி ஹி]

இது எனக்கு மெயிலில் வந்த மெசேஜ்.

சிரிக்கும்படியாக இருந்தாலும் சிந்திக்கும்படியும் இருக்கு.

டிஸ்கி// எப்படியெல்லாம் யோசிக்கிறாங்கப்பு எததுக்கோ விருது கொடுக்குறாக இதப்போல சிந்திக்கும் சங்கத்துக்குன்னு ஓரு விருதுகொடுக்கமாட்டேங்குறாங்களே!!!!!!!!!!!!!

அன்புடன் மலிக்கா

பசுநெய் ஆப்பம்.

2010-10-11T09:05:00.000-07:00

தேவையானவை
ஆப்பமாவு 5, கரண்டி [இது புழுங்கல் அரிசியில் அரைத்த ஆப்பமாவு]
பசுநெய் தேவையான் அளவு
முட்டை 4
உப்பு
சோடாப்பு
கருவேப்பில்லை

ஆப்பமாவுடன் பசுநெய். முட்டை [நன்றாக அடித்து அதனுடன் சேர்க்கவும்] உப்பு சோடாப்பு கருவேப்பில்லை [நறுக்கியும் போடலாம்] சேர்த்து கலக்கைக்கொள்ளவும்

ஆப்பச்சட்டி அடுப்பில் வைத்து சூடானதும் சிறிய கரண்டியில் 2 கரண்டி எடுத்து ஊற்றவும்

2. நிமிடம் மூடி வைக்கவும்

திறந்து திருப்பிப்போடவும்

இருபுறமும் வெந்து சிவந்ததும்

எடுத்து பரிமாறவும்.

இதற்கு எங்க பகுதிபக்கம் ஜீனி அதன்மேல் தூவி சாப்பிடுவோம். காரத்துடன் சாப்பிட இதற்க்கு முட்டைகுழம்பு,அல்லது

சிக்கன் மட்டன் குழம்பு, தொட்டு சாப்பிடலாம்.

நல்லவாசனையோடு படு சூப்பராக இருக்கும்

டிஸ்கி//இந்த சாக்லெட் மெல்டானதும் மஃரூப் அதில் தடவி சாப்பிடுவான்.

பசங்களின் டேஸ்டே வித்தியாசமானதுதானே..

சாப்பிட்டபின் செய்யக்கூடாதவைகள்!

2010-10-08T00:18:00.000-07:00

நமது பழக்கவழக்கங்கள் நமது வாழ்வியலில் மிகமிக முக்கியமாகும்!அமெரிக்காவிலிருந்து ஒரு அருமையான தகவல் இணையத்தில் உள்ளதை எடுத்து அனுப்பியுள்ளார் நம் குடும்பத்து உறுப்பினர்.

1. சாப்பிட்ட பின்பு ஒருவர் சிகரெட் பிடித்தால் - அவருக்கு அப்பழக்கம் உண்டு என்றாலும்கூட, அது சாதாரண நேரங்களில் சிகரெட் பிடிப்பதைவிட மிகப்பெரிய கெடுதல் ஆகும்.
10, சிகரெட்டுகளை ஒரே நேரத்தில் பிடித்தால் எவ்வளவு பெரிய புற்றுநோய் அபாயம் உண்டோ அவ்வளவு பெரிய தீமையாகும்.

2. அதேபால், சாப்பிட்டவுடனேயே பழங்களைச் சாப்பிடும் பழக்கம் நம்மில் பலருக்கு உள்ளது. அது கெடுதியானது. காரணம், உடனே அது காற்றினை வயிற்றுக்குள் அனுப்பி வயிறு உப்புசத்திற்கு ஆளாக்கும் நிலையை (Bloated with air) உருவாக்குகிறது. எனவே, சாப்பிடுவதற்கு ஒரு மணிநேரம் முன்பு பழம் சாப்பிடுங்கள் அல்லது சாப்பிட்டு ஒரு மணி அல்லது 2 மணி நேரத்திற்குப் பின்பு பழங்களைச் சாப்பிடும் பழக்கத்தை ஏற்படுத்திக் கொள்ளுங்கள்.

3. சாப்பிட்டவுடன் தேநீர் அருந்தாதீர். (இது எவ்வளவு பேருக்குச் சாத்தியமோ தெரியாது) ஏனெனில் தேத்தூள் தழையில் ஆசிட் உள்ளது. இது உணவில் உள்ள புரதச்சத்தினை கடினமாக்கி (Hardening) செரிமானத்தைக் கஷ்டமாக்கும் வாய்ப்பு ஏராளம் உண்டு.

4. சாப்பிட்ட பிறகு உங்களது பெல்ட்டுகளை தளர்த்திவிடாதீர்கள் (Don’t Loosen Your Belt). ஏனெனில், அது குடலை வளைத்து தடுக்க வாய்ப்பு உண்டு.

5. சாப்பிட்ட உடனேயே குளிக்கும் பழக்கத்தைக் கைக்கொள்ளக்கூடாது. ஏனெனில், குளிக்கும்போது உடல் மற்றும் கை, கால்களுக்கு ரத்த ஓட்டம் அதிகரிக்கும். வயிற்றுக்குச் செரிமானத்திற்குச் செல்ல வேண்டிய ரத்த ஓட்டம் குறையும் வாய்ப்பு உள்ளது! வயிற்றில் உள்ள செரிமான உறுப்புகளை மிகவும் பாதிப்பு அடையச் செய்யக்கூடும்!

6. சாப்பிட்ட பின்பு நடப்பது நல்லது என்று சிலர் - ஏன் சிலர் விவரமறிந்தவர்களே கூடச் சொல்வது உண்டு. சர்க்கரை நோய் (டயாபடிக்) உள்ளவர்களுக்கு உடனே சர்க்கரை உருவாகாமல் தடுக்க அந்த உடனடி நடை உதவும் என்று கூடச் சிலர் சொல்ல நானே கேட்டுள்ளேன்.

ஆனால், 1989-90 களில் இதயநோய்க்காக நான் சென்னை பொது மருத்துவமனையில் இதயநோய் பிளாக்கில் சிகிச்சை பெற்று வந்தபோதே, ஒரு டாக்டர் இது ஒரு தவறான கருத்து; சிலர் சாப்பிட்டவுடன் ஒரு 100 அடி நடந்தால் 99 ஆண்டுகூட வாழலாம் என்று சிலர் பிரச்சாரம் செய்கின்றனர்; பெரிய தவறான கருத்து ஆகும் என்று கூறினார்.

நடந்தால், செரிமான உறுப்புகளுக்குப் போய்ச் சேர்ந்து, உணவை நன்கு செரிக்கச் செய்வதைத் தடுத்து, இரத்த ஓட்டம் உணவின் சத்துகளை ஈர்த்து இரத்தத்தில் சேர்க்காமல் செய்யவே அந்நடைப் பழக்கம் பயன்படும். எனவே, இந்தத் தவறான பழக்கம் யாருக்காவது இருந்தால் அதனை உடனே கைவிடுவது நல்லது!

7. மதிய உணவு, இரவு உணவுக்குப் பின்னர் உடனே படுத்து உறங்கும் பழக்கம் கூடாது. உணவு உண்ட பின் அரை மணிநேரம் கழித்தே உறங்கச் செல்லவேண்டும்.மருத்துவத் துறையில் "நவீன மூட நம்பிக்கைகள்" பலவும் இதுபோல உண்டு.எனவே, மற்றவர்களுக்கும் இதனை எடுத்துக் கூறி, பயன்படும் "தொண்டறம்" புரிக!

இது எனக்கு மெயிலில் வந்தது அனைவரும் பயன்பெற தந்துள்ளேன். படித்து அதன்படி செயல்படுங்கள்,உயிர் இருக்கும்வரை உடல் ஆரோக்கியம் முக்கியமே !!!

உங்க உடம்பை நீங்கதானே பார்த்துக்கொள்ளோனும் அதுக்குதேன் இதெல்லாம் ஓகேவா..

அன்புடன் மலிக்கா

ஆடிய ஆட்டமென்ன! என்ன! என்ன!

2010-10-03T22:18:00.000-07:00

பெருநாள் லீவில் ஒருநாளைக் கொண்டாட அல்அயின் போயிருந்தோம் [இது 25 .30 வதாவது தடவையின்னு நினைக்கிறேன்] அங்குபோட்ட ஆட்டமிருக்கே அதோடு உடல்கண்ட ஆட்டமிருகே அப்பப்பா சொல்லில் வடிக்கமுடியாது.

5. குடும்பம் ஒன்றாக சேர்ந்து 4 காரில் அல் அயினுக்கு போனோம். .அங்குபோய் சேர்ந்தபோது பகல் 11 மணி.

அங்கிருக்கும் ஃபன்சிட்டிக்கு போகமுடிவுசெய்து [பகலென்ன. வெயிலென்ன. ஆட்டம்போட], டிக்கெட் 40 திர்கம்தான் ஒரு ஆளுக்கு எல்லாம் கேமிலும் எத்தனைமுறை வேண்டுமென்றாலும் ஏறி இறங்கலாம் என்றதால். டபுள் ஓக்கேன்னு புகுந்தாச்சி.

உள்ளே போனதும் கூட்டம் எக்கசக்கம் [லீவ்நாளாச்சே அப்படிதானிருக்கும் சும்மா பில்டப் விடாம மத்ததச்சொல்லு] சரின்னு எல்லா கேமுக்கும் போகிறமாதரி ஓர்யிடத்தில் கொண்டுபோயிருக்கும் 5, வீட்டு சாப்பாடுகளையும். நொறுக்குத் தீனிகளையும் வைத்துவிட்டு, யார்யார் எங்கெங்கேபோகனுமோ போங்கன்னாச்சி. குட்டிஸ்களெல்லாம் ஆளைவிட்டாபோதுமுன்னு ஒருசெட்டாக எஸ்கேப்.

3 ஆண்கள் மட்டும். நம்ம மச்சனையும் சேர்த்துதான். இந்த ஆட்டத்துக்கு நாங்கவரலைப்பா. எங்களுக்கு பேசவேண்டிய வேலையிருக்குன்னுசொல்லி அழகிய எஸ்கேப்.

சரி சரிபேசிக்கிடே நின்னா எல்லாத்துக்கும் கூட்டம்கூடிரும் வாங்க எதிலாவதுபோய் முதலில் இடம்பிடிப்போம் [ஏன்ன அப்புறம் வரலாற்றில் இடம்பிடிக்கனுமுல்ல] இது இதில்போய்ய் ஏறலாமுன்னு ஏகப்பட்ட டிஸ்கஸ் வேணவே வேணா இது அந்தரத்தில் 6. 7 .முறை தலைகீழா நிற்கிறது என என்மகள் பயமுறுத்தியும். அதெல்லாமில்லை என்னதான் ஆகுதுன்னு பார்ப்போம் என நானும் என் தோழியும். [மற்ற 3 பயந்தாங்கோழி ] பார்த்தாலே தலைசுத்துன்னு நின்னுட்டாங்க

சரி தலைசுற்றும்போது அப்படியே முதுகைபார்த்துக்கொண்டு நிற்கட்டும் வா என என் தோழியில் கைகளைப்பிடிது இழுத்துச்சென்றேன்.

ஆட்டத்துக்கு வரலை ஆனா ஆடுவதை பார்க்கவருகிறேன்சொல்லி மச்சான் வந்து எங்க ஹேண்ட் பேக்கெல்லாம் வாங்கிகொண்டு வெற்றிவாகை சூடிவா மச்சின்னு ஆசிர்வாதம் செய்து அனுப்பிவிட்டாக. [இப்படி அசால்ட் ஆறுமுகம்போல் அனைத்திலும் தைரியம் போக கற்றுக் கொடுத்ததே அவுகதானே]

இதோ இதில்தான் முதலில் ஏறினோம்

நானும் தோழியும் .ஒரு கேங். எங்களுக்கு முன் என் தோழியின் கணவர். நான் வரலையின்னு சொல்லி அங்கேயே நின்ன மற்றொரு தோழியின் கணவர் வேகமாகவந்து அவர் அருகில் அமர்ந்தார். மானம்போய்விடும் பெண்களே தைரியமாய் வந்துட்டாங்க அப்புறம் எனக்கு என்ன பயம் அதேன் வந்துட்டேன்னு.

அனைவரும் ஏறியதும் சன்னல் கதசை அடைப்பதுபோல் அனைவரியும்போட்டு பூட்டி சாவி எடுத்துட்டாக. ஏன்னா அந்தரத்தில் தலைகீழா நிற்கும்போது யாரும் விழுந்துடக்கூடாதுல்ல அதுக்குதான் விழுந்தாலும் அதுக்குல்லேயே கிடக்கட்டுமுன்னுதான்.

தலைகீழ் நிற்கும் ஸ்கைஃப் ஃப்ளையர் ஏறினோமா!ஆஆஆஆ

மெல்ல மெல்ல தாலட்டி அம்மாடிடியோஓஓஓஓ ந்னு அலறவச்சது என் தோழியை [பேஷ்மெண்ட் வீக்காயிருந்தாலும் நாம வெளியில் [காட்டிக்கமாட்டோமுல்ல]

என்கூடயிருந்த தோழி பட்டபாடுயிருக்கே. அடியே ஏண்டி என்னை இதுக்கு கூட்டிக்கிட்டு வந்தேன்னு ஒரு ஒப்பாரி வைச்சாளே பார்க்கனும்.
சொன்னாளே சொன்னாளே
என் புள்ள சொன்னாளே போகாதே போகாதேன்னு
அதில்போய் ஏறாதேன்னு இப்ப இங்க வந்து தலைகீழ தொங்கவிட்டுடியேடி படுபாவின்னு புலம்பியதும்.

தலைகீழ் நிற்கும்போது எனக்கு கால் ஆடிய ஆட்டமிருக்கே அப்படியே வெளியே வந்துவிடுவோமோ என்பதுபோல் உடம்புவழுக்கியது. அப்படியிருந்தும் எனக்கு சிரிப்புதாங்கலை.
அடியே அப்படியே கண்ணைத் திறந்துபாரேன் எப்படி தெரியுதுன்னு சொன்னதும் அடி பாதகி இப்படியாப்பட்டவளாடி நீ. நான் கண்ணைதிறந்தா செத்துடுவேன் என் குடலெல்லாம் வாய் வழியாவருதே என்னப்பெத்த உம்மாவே! நீ முன்னாடிபோய் சேந்துட்டா இவ இப்ப என்னை உங்கிட்ட அனுப்பப்போறாளே என அது சுத்தச் சுத்த என்னை திட்டி தீர்த்துவிட்டாள்.
முன்னாடியிருந்த ஜீவன்களின் நிலையோ அய்யஹோ கேட்கவே வெ வெ வேணாம். முக்கலும் முனங்கலும். இவ கத்த கத்த அங்கிருந்து சும்மாயிருடி இங்கேயே ஆட்டம்காணுது நீவேறன்னு.

என்னதான் நான் ஸ்டார்ங்கயிருந்தாலும் ம்ஹூம் உள்ளுக்குள் நாடிநரம்பெல்லாம் ஆட்டம்கண்டு. ஒருவழியா குடலெல்லாம் கலங்கி கண்களெல்லாம் சிவந்து. தலைசுற்றி [இதெல்லாம் நமக்கில்லை ஹி ஹி]
வந்து இறங்கியாச்சி.

வந்ததோட விழுந்தது முதுகில் ஒரு அடி யாருக்கு எனக்குதான். பாவி பாவி சுத்துதடி தலையன்னு அவசொல்ல. பக்கத்தில் வீட்டுக்காரவுக நின்னுகிட்டு மேலேபோனவகளையெல்லாம் கொண்டுபோய் காட்டிவிட்டு கூட்டியாந்துட்டாகளே! என்னமோ பண்ணுதேன்னு சொல்ல,
வராத பயந்தாகோழியெல்லாம் அதுக்குதாம்ம்பாஅப்பவே சொன்னோம் நான் வர நான்வரலைன்னு ஜாலராபோட, என் மச்சான் மட்டும் வெரிகுட் கீப்பிட்டப் இந்தா தண்ணீர் குடி அடுத்த ஆட்டதுக்கு ரெடியாக்குன்னு சொல்ல. எல்லாம் நீங்க கொடுக்கும் தைரியம்தான் மலிக்காவுக்கு கொஞ்சமாவது பயமிருக்கானு பாருங்க அப்படின்னு சொல்லிக்கொண்டே [எனக்கு ஆடிய ஆட்டம் எனக்குதானே தெரியும் இவாளுக்கு எங்கே புரியும் ஆன மச்சானுக்கு புரிஞ்சிபோச்சி அதுக்குதேன் உடனே தண்ணீரை நீட்டியது]
கொஞ்சநேரம் அப்படியே போய் அமர்ந்து தண்ணீரருந்திவிட்டு மீண்டும் ஸ்டாட்

இதுதான் தண்டாரம் கிரைண்டரைவிட படுவேகமாய் படுவேகத்திலும் வேகமாய் சுற்றியும் ஆட்டியும். அசதியோடு கொண்டுவந்து தள்ளிவிட்டது. ஆனால் எதுவும் நடக்காததுபோல் இறங்கிவந்தோம் பேசிவைதுக்கொண்டு அதே தோழியும் நானும். மயக்கம் கண்ணைக்கட்ட அப்படியிருந்து விடுவோமா அடுத்து

இதோ இதுதான் ட்ரைனாமாம் என்னாமா போகுது. போட்டதே ஒரு சடன் பிரேக் போட்டதும் அடித்ததே முதுகுதண்டில் [அதெல்லாம் யாருக்கு வலிச்சது அப்பறமுல்ல இருக்கு அம்மா வலிக்குதே]அப்படியே பின்னாடியேபோய்

சுத்தி சுத்தி ஒருவழியாகி, உடல் வலியாக்கி கொண்டுவந்து நிறுத்தியது.

அடுத்து அடுத்து என கிட்டதட்ட அனைத்திலும் ஏறியாச்சி.

அப்ப போட்டோ எங்கே அப்படிங்கிறீங்களா

போட்டோக்கள் எடுக்க ஆள்வேணுமுல்ல.3. 4. கேமுக்கு கூடவந்தாக. அப்புறம் அவுகளுக்கு சோலியிருக்காதா அதேன்.

ஆனாலும் ஆடிய ஆட்டமிருக்கே. கொண்டுபோன சாப்பாட்டைக்கூட [ஒரு பிளேட் மட்டுதான்] சரியாக சாப்பிடலை. இதில் என் செல்லதின் பர்சைவேறு[அதில் பெருநாள்காசு 150 திர்கம் இருந்தது] யாறோ அபேஸ் பண்ணிட்டாங்கோ.

[உறவினர்கள் கொடுக்கும் பெருநாள் காசை பெருநாள் லீவில் வெளியில்போகும்போது எப்போதுமே நாந்தான் செய்வேன் என பெட்ரோல் அல்லது. எண்ட்ரஸ் டிக்கெட் அல்லது சாப்பாடுயென ஏதாவது அவனின் பணதிலிருந்து செலவு செய்வான் தனெக்கென்று எதுவும் அதில் தனியாக செய்துகொள்ளமாட்டான் அன்று வேண்டாம் இருக்கட்டும் வைத்துக்கொள் என்று சொல்லிவிட்டோம்.அவனிடமிருந்து நிறைய நாங்கள் கற்றுகொள்கிறோம்.]

நாங்க ஜாமான்கள் வைதுவிட்டுபோன இடத்தில் விளையாட டிரஸ் மாற்றிவிட்டு அதிலேயே பர்சையும் வைத்துவிட்டு போயிருக்கான்.வந்துபார்த்தால் காணோம்.

பாவம் புள்ள சாப்பிடவேயில்லை தான்போன அத்தனை ரையிடுகளுக்கும்போய் பார்த்து களைத்துபோய் வந்தான் கிடைக்காமல். எத்தனை சொல்லியும் சமாதானம் ஆகவில்லை. மம்மி எவ்வளவு கேர்ஃபுல்ல வைத்திருந்தேன் தெரியுமா.எப்படி மம்மி போனதுன்னு.அதுக்குதான் நான் டிக்கெட் எடுக்கிறேன் சொன்னேன் என்று ஒரே புலப்பம். சரி விடு நீ யாருக்கோ பெருநாள் காசு கொடுதேன்னு நினைச்சிக்கோன்னு சொல்லி சமாதானப்படுத்தி அழைத்துவந்தோம்.

ஆடிய ஆட்டம் 1 வாரம்வரை ஆட்டியது உடம்பை. ஆனாலும் இன்றுவரை தோழிதிட்டியததையும். கத்தியதையும். நினைக்கும்போதெல்லாம் சிரிப்புவரும். இதோ சிர்த்துக்கொண்டேதான் இதை எழுதினேன்.

சில சம்பவங்கள் மனதில் தங்கிவிடும் இதுவும் அதுபோலதான்.

இனி அடுத்த ஆட்டத்தில் சந்திப்போம். இருக்கே அடுத்து மலையேறியது

அதுவரை உங்களிடமிருந்து விடைபெறுவது

உங்கள் அன்புடன் மலிக்கா

சமுன் சிக்கன் சாண்ட்வெஜ்

2010-09-28T08:14:00.000-07:00

இது என்னுடைய 100,வது பதிவு. எந்தளத்திற்க்கு வந்து என்படைப்புகளை தவறாமல்படித்தும் கருத்துக்கள் தந்தும் என்னை ஊக்கப்படுத்தும் அனைவருக்கும் என்மனமார்ந்த நன்றிகள் பல பல.. தொடர்ந்து ஊக்கமென்னும் கருத்துமழை பொழியட்டும்.

சமுன் சிக்கன் சாண்ட்வெஜ்

தேவையானவை

சமுன்
சிக்கன்
குக்கும்பர் [வெள்ளரி]
சீஸ்
கெச்சப்
மிளகு
சாட் மசாலா
ஆயில்
உப்பு

சிக்கனை சிறிய சிறிய பீசாக்கி அதை சாட்மசாலா.மிளகுத்தூள் உப்பு போட்டு நன்றாக கலந்து ஒரு பீங்கன் தட்டில் 2 ஸ்பூன் ஆயில் விட்டு அதன் மேல் இந்த கலவையை போட்டு லேசாக கலந்து அதை 15 நிமிடம் ஓவனில் வைத்தால் இதுபோன்று ரெடியாகிவிடும்.

அதை சமுனில் நடுபாகம் கீரி அதனுள் சீஸ் அல்லது மயோனஸ் தடவி அதன்மேல்

தேவைக்கேற்ப சிக்கன் வைத்து

அதன் மேல் நறுக்கிய குக்கும்பர் வைத்து பிரியப்பட்டால் அதன்மேல் கெச்சப் அல்லது சில்லிசாஸ் போட்டு மூடி

அதை ஒரு டிஷுவில் சுற்றி மேல்பாகத்தை திறந்து சாப்பிடவும்.

”இது தான் சமுன் சிக்கன் சாண்ட்வெஜ்”

சிக்கனுக்கு பதிலாக முட்டையும் வேகவைத்து கட்செய்து அதனுள் வைக்கலாம். வெஜிட்டபிள் அரைவேக்காடாக வேகவைத்தும் அதனுள் வைத்து சாப்பிடலாம்..சாப்பிடக்கொடுக்கலாம்..
இன்னும் இந்த சமுனில் நிறைய வெரைட்டிகள் செய்யலாம். குழந்தைகளின் ரசனைக்கேற்ப. ருசிக்கேற்ப..

டிஸ்கி//இதெல்லாம் பிடிக்காதவங்க இந்த சமுனை காபியிலோ. டீயிலோ நனைத்து சாப்பிடலாம். அதுவும் பிடிக்கலையே சும்மா அப்படிய்ய்யே சாப்பிடலாம். அப்படி சாப்பிடும்போது அப்புறம் தொண்டையில் போய் அடைச்சிக்கிச்சின்னா நான் வந்து தண்ணீரோ வெந்நீரோ தர இயலாது சொல்லிப்புட்டேன்.

இது தமிழ்குடும்பத்திற்காகன 4.வது போட்டிக்குறிப்பு.
முடிந்தால் இங்கும் சென்று கருத்திடுங்கள்.

அப்புறம்

ஆனந்தி தந்த அன்பான நட்பு.

ரொம்ம்ம்ம்ம்ம்ம்ம்ப லேட்டா இதை வெளியிடுவதற்கு
கோவிச்சிக்காதீங்க ஆனந்தி..நீங்க 100,வது க்கு தந்த விருதை.
என் நூறாவது பதிவில் வெளியிடுவதில் மிகவும் மகிழ்கிறேன்..
நன்றி ஆனந்தி
என்றும் உங்கள் நட்பாய்

அன்புடன் மலிக்கா

கடல்பாசி சர்பத்.

2010-09-24T23:29:00.000-07:00

தேவையானவை]

கடல்பாசி [சைனா கிராஷ்
சீனி பாகு
பால்

தேவைக்கு தகுந்தார்போல் கடல்பாசியை காய்சி அதை தட்டிலூற்றி ஆரவிட்டு சிறியதுண்டுகளாக்கிக்கொண்டு அதை ஒரு பாத்திரத்தில் இட்டு நன்றாக நொறுங்கும்படி பிசையவும்

அதனுடன் சீனிபாகு. மற்றும்

காய்சாதபால். [காய்சியும் ஆரவிட்டு சேர்கலாம்]

அதனுடன் ஒன்றன்பின் ஒன்றாக ஊற்றி நன்றாக கலக்கவும்.

[இது காய்ச்சாத பாலில் செய்தது]

இப்போது கடல்பாசி சர்பத் ரெடி.

இது மிகவும் குளிர்ச்சியானது உடலுக்கும் நல்லது.
குழந்தைகளுக்கு தரும்போது அதல்மேல் அவர்களுக்கு பிடித்த பழங்களில் அலங்கரித்துதரலாம்.

விருந்தினர் வந்திருக்கும்போதும் அப்படிதந்தால் வயிறு குளிர்ச்சியாகவும் மனம் நிறைவாகவும் இருக்கும்.[ குடிப்பவர்களுக்கும், கொடுப்பவர்களுக்கும்]

என்ன எங்கப்போறீங்க சர்பத் கலக்கவா!
அன்புடன் மலிக்கா

அன்பு மகனின் அழகிய கைவண்ணம்

2010-09-21T11:08:00.000-07:00

இது என் வீட்டுச்செல்லம் வரைந்ததுங்கோ. நல்ல தூக்கம் வருது மம்மின்னு சொன்னதும் இரவு நேர டிரஸை அணியச் சொல்லிக்கொடுத்தால். ரூமிற்க்கு போனவரை 5 நிமிடமாகியும் வெளியில் வரவில்லை. என்ன ஏதுவென கதவைத் தட்டினால் 2 மினிட் மம்மி இதோ வந்துடுறேன் அப்படின்னு குரல் வருது.

2. நிமிடம் கழித்து வருகிறார் மம்மி எப்படியிருக்கு என்னோட டியாயிங். நீங்க போடத்தந்த மேல்சட்டையில் இருந்த இந்த குட்டிஸைப் பார்த்தேனா அதான் உடனே வரைந்தேன் நல்லாகுதா என்றதும். மகிழ்ந்ததோடு. உறக்ககலக்கத்தில் இருந்தாலும் சரியென 3 ,4 கிளிக் எடுத்தேன்.

நல்லாக்குதா? சொல்லுங்க செல்லம் சந்தோஷப்படட்டும்..

அன்புடன் மலிக்கா

பெருநாள் டிசைன்.

2010-09-13T01:05:00.000-07:00

இந்த டிசைன் மணமகள்களுக்கு போடலாம். கை நிறைந்ததுபோல்

முக்கால் கைக்கு போடவேண்டும் .மருதாணிகோன் சிவந்ததும் நகங்களுக்கு தொப்பிபோல் வைக்கலாம்.

இன்னும் இருக்கு அடுத்தடுத்து வரும்.

அன்புடன் மலிக்கா

பாலக் பனீர் வடை[பஞ்சாபி ரெசிபி]

2010-09-04T02:45:00.000-07:00

இதைக் கிளிக் செய்யவும் தமிழ்குடும்ப சமையல்போட்டியின் என் இரண்டாவது குறிப்பு

தேவையானவைகள்

பாலக் 2 கட்டு

பனீர் 200கிராம்

கரம் மசாலா 2 டீஸ்பூன்

பெரிய வெங்காயம் 1

கடலைமாவு 4 ஸ்பூன்

இஞ்சிபூண்டு விழுது 1ஸ்பூன்

மிளகாய்பொடி காரத்திற்கேற்ப

உப்பு

ஆயில்

கீரையை நன்றாக கழுவிவிட்டு அதனை பொடியாக அரிந்துகொள்ளவும்

அதனை ஒரு கடாயில் போட்டு லேசாக வதக்கவும் பச்சை வாசனைபோகுமளவு

பனீரை உதிரியாய் துருவிகொள்ளவும்

பனீரோடு கரம்மசாலா.உப்பு.பொடியாய் நறுக்கிய வெங்காயம் இஞ்சிபூண்டுவிழுது. சேர்த்துக்கொள்ளவும்

வதக்கிய கீரையோடு மிளகாய்பொடி

கடலைமாவு மற்றும்பனீர்கலவையை சேர்த்து பிசையவும் தண்ணீர்வேண்டாம் கீரையிலுள்ள தண்ணீரே போதும்

சிறு உருண்டை எடுத்து இதுபோல் உள்ளங்கையில் வைத்து வடைபோல் தட்டி அது உதிர்ந்துவிடாமல் கவனமாக

நான்ஸ்டிக் ஃபேனில் 2 ஸ்பூன் ஆயில் விட்டு அது சூடானதும் அதில் இந்த வடையை மெதுவாக இடவும்.இருபுரமும் சிவக்க விட்டு எடுக்கவும்

நிறைய நேரம் வேகனுமென்றில்லை ஏனெனில் இது கீரையும் பனீரும்தான் அதன் சத்து முழுமையாக கிடைக்கும்

இதோ பாலக் பனீர் வடை ரெடி. இது ஒரு பஞ்சாப் ரெசிபி.
சுவையும் மணமும் சூப்பர் நல்ல ஊட்டச்சத்தும்கூட கீரை பிடிக்காத குழந்தைகளும் இதை விரும்பி சாப்பிடுவாங்க செய்து கொடுத்துபாருங்க.

அன்புடன் மலிக்கா

ஈசி பனியன் டாப்ஸ்.

2010-09-01T04:15:00.000-07:00

பனியன் கிளாத் 1 மீட்டர்
நூல்
கத்தரிக்கோல்
தையல் மிசின்

பனியன் கிளாத்தை எடுத்துக்கொண்டு உடல் வாகுக்குத்தேவையான அளவை எடுத்து நறுக்கிக்கொள்ளவும்.இதுபோல்

எடுத்தஅளவில் கழுத்து மற்றும் கைகள்பகுதிக்கு நறுக்கவும் இதுபோல்

மார்புபக்கம் மற்றும் முதுக்குப் பக்கமிருக்கும் தனித்தனியாக இருக்கும் துணிகளை ஒன்றிணைக்கவும் இதுபோல

தோள்பட்டையிரண்டையும் விலாப்பகுதியிரண்டையும் இணைக்கவும்.

இருபுறமும் இணைத்ததும்

முழுமையாக இணைத்ததும் இப்படி இருக்கும்.தோள்பட்டைக்கு சிறு பட்டிபோல் நறுக்கி அதையும் இணைக்கவும்

கழுத்துக்கு கீழ் இருபுறமும் இதுபோல் சிறிய பூக்களாக செய்து அதையும் இணைக்கவும் . வயிற்றுப்பகுதில் டிசைனாக இருக்க, மீதி இருக்கும் துணியில் எண்ணங்களுக்கு தகுந்தார்போல் இதேபோல் டிசைனா தைக்கவும்.

இப்போது அழகிய மினி டாப் ரெடி

1 வயது முதல் 2 வயது வரை இந்த டாப்பை போடலாம்.

டிஸ்கி//ஈசியாக செய்ய:

டிஸ்கி//புதிய டி சர்ட் குழந்தைக்கு பற்றாமல் இருந்தால்
அதை இதுபோல் நறுக்கித் தைக்கலாம்.

அன்புடன் மலிக்கா

வாடா வாடா இறால் வாடா.

2010-08-30T08:41:00.000-07:00

இறால் வாடா

தேவையானவைகள்.
இறால் [தோல் நீக்காதது]
ஆப்பமாவு புளித்தது 5 கரண்டி[கெட்டியாக]
இடியப்பகப்பி 2 கரண்டி
அரிசி வறுத்து அரைத்தது 2 ஸ்பூன்[கொரகொரப்பாக]
சோடாப்பு 1பிஞ்

இறாலை தண்ணீர்விட்டு நன்றாக அதன்உள்ளிருக்கும் அழுக்கு போகும்வரைஅலசிவிட்டு

அதனுடன் உப்புசேர்த்து வெறும்சட்டியில் [கருக்கவும்] அதாவதுவறுக்கவும்

சிவந்தகலரில்வரும்அதைஆரவிட்டவும்

புளித்த ஆப்பமாவுடன் இடியப்பகப்பியையும்.

பொறியரிசிமாவு இரண்டையும்சேர்த்து

கூடவே சோடாப்பையும் சேர்த்து நன்றாகபிசைந்து 5 மணிநேரம்வைக்கவும்

உள்ளடத்திற்கு தேவையானைவைகளை தயார் செய்துகொண்டு

அடுப்பில் அகன்ற சட்டி வைத்து அதில் 2 ஸ்பூன் ஆயில் விட்டு

அது சூடானதும்,கருவேப்பிலைபோட்டு. அதில் பொடியாக நறுக்கிய முட்டைகோஸ்,தக்காளி வெங்காயத்தையும்போட்டு வதக்கவும்.

அது வாசம் வந்ததும் மசாலாக்களை சிறிது தண்ணீர்விட்டு உப்பும்போட்டு கரைத்து அதனுடன் ஊற்றி கிளறவும்.அது வெந்ததும் தேங்காய் துருவலை

அதனுடன் சேர்த்து

நன்றாக கிளறி இறக்கவும்.

மாவு வாடை சுடும் பதத்துக்கு வந்ததும், அதை எடுத்து ஒரு வாழையிலையோ, அல்லது இதுபோன்ற பிளாஸ்டிகவரோ அதன்மீது தண்ணீர்தடவி,

சிறு உருண்டை

உருட்டிவைத்து இதுபோன்று தட்டவும்

பின்பு செய்திருக்கும் உள்ளடத்தில் அந்த உருண்டைக்கு தகுந்தாற்போல் அதன்மேல் வைக்கவும். பின்பு மீண்டும் சிறு உருண்டை தட்டி அதன்மேல் மூடவும்

அதன் நடுவில் இதுபோல் ஓட்டைபோடவும்.

அதன் ஓரத்தில் கருக்கிய இறாலை அழுத்தியதுபோல் வைக்கவும்

இப்போது ஒரு கடாயில் ஆயில் வடை முங்கும் அளவிற்க்கு ஊற்றி அது சூடானது அதில் மெதுவாக இந்தவடையை எடுத்துப்போடவும்.

இருபுறமும் சிவக்கவிட்டு எடுக்கவும்

இதுதான் இரால்வாடா

இது நோன்பு ஸ்பெசல்.இது நோன்பு காலங்களில் எங்கள் ஊர்பகுதிகளில் மிக மிக பேமஸ். இதை அதிகம்பேர் விரும்பி சாப்பிடுவார்கள்.மற்ற வடை பஜ்ஜிபோல் அல்லாமல் இது மிகவும் ருசியாகவும் வித்தியாதமாகவும் இருக்கும்.

இதை செய்வது சற்று சிரமம், வேலையும் அதிகமென்பதால் குறிப்பிட்டவர்களே சுடுவார்கள் அதை வாங்க கியூவில் நிற்கனும்.

செய்து பாருங்கள் மிகவும் ருசியாக இருக்கும்.

அதிலும் நோன்புக்கஞ்சிக்கூட சேர்த்து ஊரவைத்து சாப்பிட்டால் அதன் ருசியே தனிதான்..

இது தமிழ்குடும்பத்தில் சமையல் போட்டிக்காக நான் அனுப்பிய முதல் குறிப்பு. எப்படியிருக்கிறது என் ரெசிபி
உங்கள் ஆதரவை அதிலும் தாருங்கள். இங்கே கிளிக் செய்யவும்.

டிஸ்கியோ டிஸ்கி//
என்னது மரியாதையில்லாமல் வாடா ந்னு அப்படியெல்லாம் ரெசிபிக்கு பேர் வச்சிருக்கீங்கன்னு கேக்கக்கூடாது ஓகே இதுக்குபேர் அப்படித்தான் உங்க ஊர் பகுதிகளில் சொல்வார்கள்.
ரொம்ப மரியாதையானவங்க நாங்கோ பாத்தேளா? . நாங்க எப்போவும் வித்தியாசமானவங்கோ.யாராது கொம்பு கொண்டு வாரது அடிக்க, நாயில்லைங்கோ இந்த பேர்வச்சது ஆத்தாடி ஓடிடு மல்லி

அன்புடன் மலிக்கா