அவரைக்காயிலும் வைத்தியம் ..

கொடிக்காய்களில் சிறந்தது அவரைக்காய்.


மலிவான விலையில் நிறைய ஊட்டச்சத்தினை தருவது அவரை.
புரதம், சுண்ணாம்புசத்து,இரும்பு,வைட்டமின்சத்துக்கள் ஒருங்கே உள்ளன.
மிக எளிதில் செரிமானமாகக்கூடியது அவரை
பலவீனமான குடல் உடையவர்களும் இரவு நேரத்திலும்
பத்திய உணவாகவும் இது உண்பதற்கு ஏற்றது.
முற்றிய அவரையயைவிட பிஞ்சு அவரை நல்லது.

வெண்ணிற அவரைகாய் வாயு, பித்தம்,இவற்றைக்கண்டிக்கும். உள்ளுறுப்புக்களின் அலர்ஜியைப்போக்கும்:
எரிச்சலை அடக்கும்.

நீரளிவுநோய்,பேதித்தொல்லை,அடிக்கடி தலைநோய்வருதல், ஜீரணக்கோளறாரு.

சீதபேதி,இவற்றிற்கு அவரைக்காய் அடிக்கடி உணவில் சேர்த்துக்கொள்வதால் பலனுண்டு.


அஸ்ஸாமில் காதுவலிக்கும், தொண்டைவலிக்கும். அவரையின் சாற்றை பயன்படுத்துகிறார்கள். [யாரும் ரொம்பப்பேசி காதில் ரத்தம் வந்தாலும் இதை ஊற்றலாமோ ஆராயனும்]]

இரத்தக்கொதிப்பை தடுக்கும் ஆற்றல் இதற்குண்டு என்பது
அண்மைய கண்டுப்பிடிப்பாம்.[

இரத்தத்தை கொதிக்கவிடாதிங்கோ அப்புறம் கொதித்தபடியே இருபீர்கள் இது நம்ம கண்டுபிடிப்பு]

அவரையைப்பற்றிய பழைய வைத்திய நூல்குறிப்பு கிடைத்துள்ளது.
”கங்குல் உணவிற்கும் கறிக்கும் முறைகளுக்கும்
பொங்குதிரி தோடாதோர் புண்சுரத்தோர்-
கண்முதிரைப் பில்லநோய்க்காரர்களுக்குங்
காழுறையா வண்முதிரைப் பிஞ்சாம் விதி.”//

[விளக்கிடுச்சா, விளங்காட்டி என்ன குத்தம் சொல்லக்கூடாது ஓகே]




படித்தை பதிந்திருக்கிறேன் - நீங்களும் தெரிந்துகொண்டு பயன்பெறவே இதைபதிக்கிறேன்.

நொடியில் அவரைக்கூட்டு 


//இதை அழகாய் நறுக்கி சிறியவெங்காயம் கடுகு கருவேப்பில்லை உளுந்துபோட்டு கொஞ்சம் ஆயில்விட்டு அதில் தாளித்து
நறுக்கிய அவரையை அதில்போட்டு சிறு உப்பிட்டு லேசாய் தண்ணீர் தெளித்து 3 நிமிடம் மூடி பின் திறந்து ஒருகிண்டுகிண்டி [வேணுமுன்னா தேங்காய்பூபோட்டு] அப்படியே சிறிய
[இல்லன்னா பெரிய்ய்ய்ய்ய்ய்ய்ய] பவுலில் ரெடியான அவரைகூட்டைஎடுத்துக்கொண்டு ஒரு ஸ்பூன் போட்டு[ இல்லன்னா கையாலே] ரசித்து ரசித்து அள்ளி துண்ணா எப்படியிருக்கும்..


என்ன இப்போதே அவரைக்காய் வாங்க புறப்பட்டதுபோல் தெரிகிறது.
எப்படியோ அவரைக்காய் துண்ணாசரிதான்..


அன்புடன் மலிக்கா