ஸ்பெசல் தைரிய சாதம்

என்னடா இது தைரிய சாதமுன்னு போட்டுயிருக்கேன்னு ஓடிவந்தீகளா

ஹா ஹா

இது

முந்திரி சோசேஜ் சாதம்

தேவையானவைகள்

பாஸ்மதி அரிசி 3  கப்

கீ [நெய்] தேவையான அளவு

தக்காளி 1 சிறியது

வெங்காயம் 1

சிக்கன் சோசேஜ் 1 பாக்கட்

[இதை சிக்கன்ஃபிராங், ஹாட்dடாக் என ஏதேதோ சொல்லுராக மொத்ததில் சிக்கன் அரைத்து பாக்கட்டில் அவ்வளவுதான்]

இஞ்சிபூண்டு 2 ஸ்பூன்

மிளகாய்தூள் 1 ஸ்பூன்

ப, மிளகாய் 3

முந்திரி 10

ஆயில், உப்பு. தேவையான அளவு

கொ.மல்லி அலங்கரிக்க.

பட்டை லவங்கம் பிரிஞ்சி இலை தாளிக்க.

[தக்காளி,  ப,மிளகாய் வெங்காயத்தை நறுக்கிக்கொள்ளவும் 

முந்திரியை நைசாக அரைத்துக்கொள்ளவும்]

அரிசியை கழுவிவிட்டு, 10 நிமிடம் ஜில்தண்ணீரில் ஊறவைக்கவும் .

அடுப்பில் சட்டிவைத்து காய்ந்ததும் நெய்விட்டு பட்டை, லவங்கம்,

பிரிஞ்சி இலை போட்டு தாளித்து. பின்பு வெட்டிவைத்திருக்கும் வெங்காயம் தக்காளி ப மிளகாய்.அதில்போட்டு வாசனைவரும்வரை கிளரவும்.

வாசனைவந்ததும் இஞ்சிபூண்டு பேஸ்டைபோட்டுகிளரவும்

அதுவும் வாசனைவந்ததும். 1 க்கு 1.1/2 என தண்ணீர்வைத்து அதனுடன் அரைத்தமுந்திரியையும்சேர்த்து தாளித்துடன் ஊற்றவும். உப்புப்போட்டு மூடிவைத்து சிறுகொதிவந்ததும் ஊறிய அரிசியை அதில் போட்டு மூடவும் அடுப்பை லேசாக வைக்கவும்.

10 ,15 நிமிடம்தான் வெந்துவிடும் அதற்குமுன்

சிக்கன் சோசேஜை வட்டவட்டமாக கட்செய்து இஞ்சிபூண்டு மிளகாய்தூள் உப்புபோட்டு அதை ஆயிலில் பொரித்தெடுக்கொள்ளவும்.

அதற்குள் மணமணக்க சாதம் வெந்துவிடும் அதை கிளறிவிட்டு பாதி சாதத்தை அள்ளிக்கொண்டு பொரித்துவைத்திருக்கும் சோசேஜை

இரண்டு அடுக்கு மூன்று அடுகுகளாக போடவும்கடைசியாக கொத்தமல்லி இலையை பொடியாக நறுக்கி அதன்மேல்தூவி [இன்னும் சத்துக்கு 10 முந்திரியையும் வறுத்து அதன்மேல் தூவலாம்]ஆவிபறக்க டைனிங் டேபிளுக்கு கொண்டுவரவும்.

இதற்கு சைடிஸாக வறுத்தரைத்த மட்டன் கறிகுழம்பு ம்ம்ம் செம டேஸ்டாக இருக்கும் ஒருபுடி பிடித்துவிட்டு 2 மணிநேரம்கழித்து சின்னக்குட்டிதூக்கம் போடுங்க.

சீக்கிரம் பசிக்கும் மீண்டும் சாப்பிட ஹாஹாஹா

[டிஸ்கி]  ஸ்டெப்பென் ஸ்டெப்பாக இன்றைக்கு எடுக்க முடியவில்லைங்கோ

மறுநாள் செய்தா இதில் இணைச்சிவிடுறேங்கோ]

அன்புடன் மலிக்கா